Tag: IPL 2026

ਸੂਰਿਆਵੰਸ਼ੀ ਨੇ ਲੁੱਟੀ ਮਹਿਫ਼ਲ ਰਾਜਸਥਾਨ ਟੂਰਨਾਮੈਂਟ ‘ਚ ਬਰਕਰਾਰ, ਹੈਦਰਾਬਾਦ ਬਾਹਰ

ਸੂਰਿਆਵੰਸ਼ੀ ਦੀ ਤੂਫਾਨੀ ਪਾਰੀ ਸਦਕਾ ਰਾਜਸਥਾਨ ਟੂਰਨਾਮੈਂਟ ‘ਚ ਬਰਕਰਾਰ, ਹੈਦਰਾਬਾਦ ਬਾਹਰ IPL 2026 Eliminator ਵਿੱਚ ਰਾਜਸਥਾਨ ਰਾਇਲਜ਼ (RR) ਨੇ ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਨੂੰ 47 ਦੌੜਾਂ ਨਾਲ ਹਰਾਕੇ ਟੂਰਨਾਮੈਂਟ ਵਿੱਚ ਆਪਣਾ ਸਫਰ ਜਾਰੀ ਰੱਖਿਆ। ਨਿਊਂ ਚੰਡੀਗੜ੍ਹ ਦੇ ਮਹਾਰਾਜਾ ਯਾਦਵਿੰਦਰ ਸਿੰਘ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਗਏ ਇਸ ਮੁਕਾਬਲੇ ਵਿੱਚ RR ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 8 ਵਿਕਟਾਂ ‘ਤੇ 243 ਦੌੜਾਂ ਦਾ ਵਿਸ਼ਾਲ ਸਕੋਰ ਖੜ੍ਹਾ ਕੀਤਾ। ਜਵਾਬ ਵਿੱਚ SRH ਦੀ ਟੀਮ 196 ਦੌੜਾਂ ਤੱਕ ਹੀ ਸੀਮਿਤ ਰਹੀ। ਸੂਰਿਆਵੰਸ਼ੀ ਨੇ ਲੁੱਟੀ ਮਹਿਫ਼ਲ ਰਾਜਸਥਾਨ ਦੀ ਜਿੱਤ ਦੇ ਸਭ ਤੋਂ ਵੱਡੇ ਹੀਰੋ ਵੈਭਵ ਸੂਰਿਆਵੰਸ਼ੀ ਰਹੇ। ਨੌਜਵਾਨ ਬੱਲੇਬਾਜ਼ ਨੇ ਸਿਰਫ਼ 29 ਗੇਂਦਾਂ ਵਿੱਚ 97 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ ਅਤੇ ਹੈਦਰਾਬਾਦ ਦੇ ਗੇਂਦਬਾਜ਼ਾਂ ਦੀ ਧੱਜੀਆਂ ਉਡਾ ਦਿੱਤੀਆਂ। ਉਸ ਨੇ ਕੇਵਲ 16 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕਰਕੇ ਸੁਰੇਸ਼ ਰੈਨਾ ਦੇ ਆਈਪੀਐਲ ਪਲੇਆਫ ਵਿੱਚ ਸਭ ਤੋਂ ਤੇਜ਼ ਫਿਫਟੀ ਦੇ ਰਿਕਾਰਡ ਦੀ ਬਰਾਬਰੀ ਕੀਤੀ। ਸੂਰਿਆਵੰਸ਼ੀ ਨੇ ਲੰਬੇ-ਲੰਬੇ ਛੱਕਿਆਂ ਨਾਲ ਮੈਚ ਦਾ ਰੁਖ਼ ਬਦਲ ਦਿੱਤਾ। ਉਹ IPL ਇਤਿਹਾਸ ਦੇ ਸਭ ਤੋਂ ਤੇਜ਼ ਸੈਂਕੜਿਆਂ ਵਿੱਚੋਂ ਇੱਕ ਤੋਂ ਸਿਰਫ਼ ਤਿੰਨ ਦੌੜਾਂ ਪਿੱਛੇ ਰਹਿ ਗਿਆ। 97 ਦੇ ਸਕੋਰ ‘ਤੇ ਪ੍ਰਫੁੱਲ ਹਿੰਗੇ ਦੀ ਗੇਂਦ ‘ਤੇ ਉਹ ਡੀਪ ਥਰਡ ਮੈਨ ਵੱਲ ਕੈਚ ਆਊਟ ਹੋ ਗਿਆ, ਪਰ ਉਦੋਂ ਤੱਕ SRH ਦੇ ਹੌਸਲੇ ਟੁੱਟ ਚੁੱਕੇ ਸਨ। ਜੁਰੇਲ ਅਤੇ ਪਰਾਗ ਨੇ ਵੀ ਨਿਭਾਇਆ ਸਾਥ ਸੂਰਿਆਵੰਸ਼ੀ ਦੇ ਆਊਟ ਹੋਣ ਤੋਂ ਬਾਅਦ ਵੀ RR ਦੀ ਰਨਗਤੀ ਨਹੀਂ ਰੁਕੀ। ਧਰੁਵ ਜੁਰੇਲ ਨੇ ਸਿਰਫ਼ 20 ਗੇਂਦਾਂ ਵਿੱਚ ਤੂਫਾਨੀ ਅਰਧ ਸੈਂਕੜਾ ਜੜ੍ਹਿਆ। ਰਿਆਨ ਪਰਾਗ ਨੇ 26 ਦੌੜਾਂ ਜੋੜੀਆਂ, ਜਦਕਿ ਡੋਨੋਵਨ ਫਰੇਰਾ ਅਤੇ ਰਵਿੰਦਰ ਜਡੇਜਾ ਨੇ ਆਖ਼ਰੀ ਓਵਰਾਂ ਵਿੱਚ ਤੇਜ਼ ਰਫ਼ਤਾਰ ਨਾਲ ਦੌੜਾਂ ਬਣਾਕੇ ਟੀਮ ਨੂੰ 243 ਦੇ ਮਜ਼ਬੂਤ ਸਕੋਰ ਤੱਕ ਪਹੁੰਚਾਇਆ। ਆਰਚਰ ਦੀ ਘਾਤਕ ਗੇਂਦਬਾਜ਼ੀ 244 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਹੈਦਰਾਬਾਦ ਦੀ ਸ਼ੁਰੂਆਤ ਬਹੁਤ ਖਰਾਬ ਰਹੀ। ਜੋਫਰਾ ਆਰਚਰ ਨੇ ਪਾਰੀ ਦੀ ਦੂਜੀ ਗੇਂਦ ‘ਤੇ ਹੀ ਅਭਿਸ਼ੇਕ ਸ਼ਰਮਾ ਨੂੰ ਪੈਵਿਲੀਅਨ ਭੇਜ ਦਿੱਤਾ। ਹਾਲਾਂਕਿ ਈਸ਼ਾਨ ਕਿਸ਼ਨ ਨੇ 11 ਗੇਂਦਾਂ ਵਿੱਚ 33 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ ਅਤੇ ਟ੍ਰੈਵਿਸ ਹੈੱਡ ਨਾਲ ਮਿਲ ਕੇ ਹਮਲਾਵਰ ਰਵੱਈਆ ਅਪਣਾਇਆ। SRH ਨੇ 2.4 ਓਵਰਾਂ ਵਿੱਚ 51 ਦੌੜਾਂ ਬਣਾ ਲਈਆਂ ਸਨ, ਪਰ ਫਿਰ ਆਰਚਰ ਨੇ ਮੈਚ ਪੂਰੀ ਤਰ੍ਹਾਂ ਆਪਣੇ ਹੱਕ ਵਿੱਚ ਕਰ ਲਿਆ। ਪਹਿਲਾਂ ਉਸ ਨੇ ਕਿਸ਼ਨ ਨੂੰ ਆਊਟ ਕੀਤਾ ਅਤੇ ਫਿਰ 150 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਵਾਲੀ ਗੇਂਦ ਨਾਲ ਟ੍ਰੈਵਿਸ ਹੈੱਡ ਦਾ ਸਟੰਪ ਉਡਾ ਦਿੱਤਾ। ਕੁਝ ਹੀ ਸਮੇਂ ਵਿੱਚ SRH ਦਾ ਸਕੋਰ 4 ਵਿਕਟਾਂ ‘ਤੇ 57 ਦੌੜਾਂ ਹੋ ਗਿਆ। ਮੱਧ ਕ੍ਰਮ ਵੀ ਨਾ ਬਚਾ ਸਕਿਆ ਟੀਮ ਹੇਨਰਿਕ ਕਲਾਸੇਨ ਨੇ ਕੁਝ ਵੱਡੇ ਸ਼ਾਟ ਖੇਡ ਕੇ ਉਮੀਦ ਜਗਾਈ, ਪਰ ਯਸ਼ ਰਾਜ ਪੁੰਜਾ ਦੀ ਗੇਂਦ ‘ਤੇ LBW ਹੋ ਗਏ। ਨਿਤੀਸ਼ ਕੁਮਾਰ ਰੈਡੀ ਅਤੇ ਪ੍ਰਭਾਵਸ਼ਾਲੀ ਖਿਡਾਰੀ ਸਲਿਲ ਅਰੋੜਾ ਨੇ ਤੇਜ਼ ਰਫ਼ਤਾਰ ਨਾਲ ਰਨ ਬਣਾਉਂਦੇ ਹੋਏ 19 ਗੇਂਦਾਂ ਵਿੱਚ 50 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਪਰ RR ਦੇ ਗੇਂਦਬਾਜ਼ ਲਗਾਤਾਰ ਵਿਕਟਾਂ ਕੱਢਦੇ ਰਹੇ। ਰਵਿੰਦਰ ਜਡੇਜਾ ਨੇ ਨਿਤੀਸ਼ ਰੈਡੀ ਨੂੰ ਆਊਟ ਕੀਤਾ, ਜਦਕਿ ਪੈਟ ਕਮਿੰਸ ਵੀ ਵੱਡਾ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਵਿੱਚ ਕੈਚ ਹੋ ਗਏ। ਆਖ਼ਿਰਕਾਰ SRH ਦੀ ਟੀਮ ਲੜਖੜਾ ਗਈ ਅਤੇ ਰਾਜਸਥਾਨ ਨੇ 47 ਦੌੜਾਂ ਦੀ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਹੁਣ ਰਾਜਸਥਾਨ ਰਾਇਲਜ਼ ਦਾ ਸਾਹਮਣਾ 29 ਮਈ ਨੂੰ ਕੁਆਲੀਫਾਇਰ-2 ਵਿੱਚ ਗੁਜਰਾਤ ਟਾਈਟਨਜ਼ ਨਾਲ ਹੋਵੇਗਾ, ਜਿੱਥੇ ਫਾਈਨਲ ਦੀ ਟਿਕਟ ਲਈ ਦੋਵੇਂ ਟੀਮਾਂ ਵਿੱਚ ਕੜੀ ਟੱਕਰ ਦੇਖਣ ਨੂੰ ਮਿਲੇਗੀ।

IPL 2026: RCB ਲਗਾਤਾਰ ਦੂਜੀ ਵਾਰ ਫਾਈਨਲ ਵਿੱਚ ਪਹੁੰਚੀ, ਗੁਜਰਾਤ ਟਾਈਟਨਜ਼ ਨੂੰ 92 ਦੌੜਾਂ ਨਾਲ ਹਰਾਇਆ

IPL 2026: RCB ਲਗਾਤਾਰ ਦੂਜੀ ਵਾਰ ਫਾਈਨਲ ਵਿੱਚ ਪਹੁੰਚੀ, ਗੁਜਰਾਤ ਟਾਈਟਨਜ਼ ਨੂੰ 92 ਦੌੜਾਂ ਨਾਲ ਹਰਾਇਆ ਕਪਤਾਨ ਰਜਤ ਪਾਟੀਦਾਰ ਦੀ ਧਮਾਕੇਦਾਰ ਪਾਰੀ ਅਤੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਰਾਇਲ ਚੈਲੇਂਜਰਜ਼ ਬੰਗਲੌਰ (RCB) ਨੇ IPL 2026 ਦੇ ਪਹਿਲੇ ਕੁਆਲੀਫਾਇਰ ਵਿੱਚ ਗੁਜਰਾਤ ਟਾਈਟਨਜ਼ ਨੂੰ 92 ਦੌੜਾਂ ਨਾਲ ਹਰਾ ਕੇ ਲਗਾਤਾਰ ਦੂਜੀ ਵਾਰ ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ। ਇਹ ਮੁਕਾਬਲਾ ਧਰਮਸ਼ਾਲਾ ਦੇ ਹਿਮਾਚਲ ਪ੍ਰਦੇਸ਼ ਕ੍ਰਿਕਟ ਐਸੋਸੀਏਸ਼ਨ ਸਟੇਡੀਅਮ ਵਿੱਚ ਖੇਡਿਆ ਗਿਆ। ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ RCB ਨੇ 20 ਓਵਰਾਂ ਵਿੱਚ 254/5 ਦਾ ਵਿਸ਼ਾਲ ਸਕੋਰ ਖੜ੍ਹਾ ਕੀਤਾ, ਜੋ IPL ਪਲੇਆਫ ਇਤਿਹਾਸ ਦਾ ਸਭ ਤੋਂ ਵੱਡਾ ਸਕੋਰ ਬਣ ਗਿਆ। ਇਸ ਵੱਡੇ ਸਕੋਰ ਦੀ ਨੀਂਹ ਕਪਤਾਨ ਰਜਤ ਪਾਟੀਦਾਰ ਨੇ ਰੱਖੀ, ਜਿਨ੍ਹਾਂ ਨੇ ਸਿਰਫ਼ 33 ਗੇਂਦਾਂ ਵਿੱਚ ਨਾਬਾਦ 93 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ। ਉਨ੍ਹਾਂ ਦੀ ਪਾਰੀ ਵਿੱਚ ਪੰਜ ਚੌਕੇ ਅਤੇ ਨੌਂ ਛੱਕੇ ਸ਼ਾਮਲ ਸਨ। ਪਾਟੀਦਾਰ ਨੂੰ ਗੁਜਰਾਤ ਦੇ ਫੀਲਡਰਾਂ ਨੇ ਦੋ ਵਾਰ ਜੀਵਨਦਾਨ ਦਿੱਤਾ, ਜਿਸਦਾ ਉਨ੍ਹਾਂ ਨੇ ਪੂਰਾ ਫਾਇਦਾ ਚੁੱਕਿਆ। ਉਨ੍ਹਾਂ ਨੇ ਸਿਰਫ਼ 21 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ ਅਤੇ ਹਰ ਗੇਂਦਬਾਜ਼ ਨੂੰ ਨਿਸ਼ਾਨਾ ਬਣਾਇਆ। ਇਸ ਸ਼ਾਨਦਾਰ ਪ੍ਰਦਰਸ਼ਨ ਲਈ ਉਨ੍ਹਾਂ ਨੂੰ ਪਲੇਅਰ ਆਫ ਦ ਮੈਚ ਚੁਣਿਆ ਗਿਆ। ਵਿਰਾਟ ਕੋਹਲੀ ਨੇ ਵੀ 25 ਗੇਂਦਾਂ ਵਿੱਚ 43 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ, ਜਦਕਿ ਦੇਵਦੱਤ ਪਡੀਕਲ ਨੇ 19 ਗੇਂਦਾਂ ਵਿੱਚ 30 ਦੌੜਾਂ ਜੋੜੀਆਂ। ਕਰੁਣਾਲ ਪੰਡਯਾ ਨੇ ਵੀ 28 ਗੇਂਦਾਂ ਵਿੱਚ 43 ਦੌੜਾਂ ਦੀ ਮਹੱਤਵਪੂਰਨ ਪਾਰੀ ਖੇਡੀ। 255 ਦੌੜਾਂ ਦੇ ਵਿਸ਼ਾਲ ਟੀਚੇ ਦਾ ਪਿੱਛਾ ਕਰਨ ਉਤਰੀ ਗੁਜਰਾਤ ਟਾਈਟਨਜ਼ ਦੀ ਸ਼ੁਰੂਆਤ ਬਹੁਤ ਖਰਾਬ ਰਹੀ। ਟੀਮ ਨੇ ਪਾਵਰਪਲੇ ਵਿੱਚ ਹੀ 51 ਦੌੜਾਂ ‘ਤੇ ਪੰਜ ਵਿਕਟਾਂ ਗੁਆ ਦਿੱਤੀਆਂ। ਜੈਕਬ ਡਫੀ ਨੇ ਗੇਂਦਬਾਜ਼ੀ ਵਿੱਚ ਕਮਾਲ ਦਿਖਾਉਂਦੇ ਹੋਏ ਤਿੰਨ ਮਹੱਤਵਪੂਰਨ ਵਿਕਟਾਂ ਹਾਸਲ ਕੀਤੀਆਂ। ਭੁਵਨੇਸ਼ਵਰ ਕੁਮਾਰ, ਰਸਿਖ ਸਲਾਮ ਡਾਰ ਅਤੇ ਕਰੁਣਾਲ ਪੰਡਯਾ ਨੇ ਦੋ-ਦੋ ਵਿਕਟਾਂ ਲਈਆਂ। ਗੁਜਰਾਤ ਦੇ ਕਪਤਾਨ ਸ਼ੁਭਮਨ ਗਿੱਲ ਸਿਰਫ਼ ਦੋ ਦੌੜਾਂ ਬਣਾ ਕੇ ਆਊਟ ਹੋ ਗਏ, ਜਦਕਿ ਜੋਸ ਬਟਲਰ ਨੇ 11 ਗੇਂਦਾਂ ਵਿੱਚ 29 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ ਪਰ ਉਹ ਵੀ ਵੱਡੀ ਪਾਰੀ ਨਹੀਂ ਖੇਡ ਸਕੇ। ਸਾਈ ਸੁਦਰਸ਼ਨ ਦਾ ਆਊਟ ਹੋਣਾ ਮੈਚ ਦਾ ਸਭ ਤੋਂ ਅਜੀਬ ਪਲ ਰਿਹਾ, ਜਦੋਂ ਸ਼ਾਟ ਖੇਡਦੇ ਸਮੇਂ ਉਨ੍ਹਾਂ ਦਾ ਬੱਲਾ ਹੱਥੋਂ ਛੁੱਟ ਕੇ ਸਟੰਪਾਂ ਨਾਲ ਜਾ ਟਕਰਾਇਆ। ਇੱਕ ਸਮੇਂ ਗੁਜਰਾਤ ਦਾ ਸਕੋਰ 11 ਓਵਰਾਂ ਵਿੱਚ 87/7 ਹੋ ਗਿਆ ਸੀ। ਇਸ ਤੋਂ ਬਾਅਦ ਰਾਹੁਲ ਤੇਵਤੀਆ ਨੇ ਇਕੱਲੇ ਸੰਘਰਸ਼ ਕੀਤਾ ਅਤੇ 43 ਗੇਂਦਾਂ ਵਿੱਚ 68 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਉਨ੍ਹਾਂ ਨੇ ਅੱਠ ਚੌਕੇ ਅਤੇ ਚਾਰ ਛੱਕੇ ਲਗਾਏ, ਪਰ ਦੂਜੇ ਪਾਸੇ ਤੋਂ ਉਨ੍ਹਾਂ ਨੂੰ ਸਾਥ ਨਹੀਂ ਮਿਲਿਆ। ਆਖ਼ਿਰਕਾਰ ਗੁਜਰਾਤ ਟਾਈਟਨਜ਼ ਦੀ ਪੂਰੀ ਟੀਮ 19.3 ਓਵਰਾਂ ਵਿੱਚ 162 ਦੌੜਾਂ ‘ਤੇ ਆਲ ਆਊਟ ਹੋ ਗਈ ਅਤੇ RCB ਨੇ 92 ਦੌੜਾਂ ਨਾਲ ਵੱਡੀ ਜਿੱਤ ਦਰਜ ਕੀਤੀ। ਇਸ ਜਿੱਤ ਨਾਲ RCB ਨੇ ਸਿੱਧਾ IPL 2026 ਦੇ ਫਾਈਨਲ ਵਿੱਚ ਦਾਖਲਾ ਕਰ ਲਿਆ ਹੈ। ਉੱਥੇ ਹੀ ਗੁਜਰਾਤ ਟਾਈਟਨਜ਼ ਕੋਲ ਫਾਈਨਲ ਵਿੱਚ ਪਹੁੰਚਣ ਦਾ ਇੱਕ ਹੋਰ ਮੌਕਾ ਰਹੇਗਾ। ਹੁਣ ਗੁਜਰਾਤ ਦਾ ਸਾਹਮਣਾ ਕੁਆਲੀਫਾਇਰ 2 ਵਿੱਚ ਐਲੀਮੀਨੇਟਰ ਦੇ ਜੇਤੂ ਨਾਲ ਹੋਵੇਗਾ।

RCB ਦੀ ਫਾਈਨਲ ਵਿੱਚ ਐਂਟਰੀ ਤੋਂ ਬਾਅਦ ਅਨੁਸ਼ਕਾ ਨੂੰ ਮਿਲੀ ਵਿਰਾਟ ਦੀ ਜੱਫੀ, ਵੀਡੀਓ ਨੇ ਜਿੱਤਿਆ ਫੈਨਜ਼ ਦਾ ਦਿਲ

RCB ਦੀ ਫਾਈਨਲ ਵਿੱਚ ਐਂਟਰੀ ਤੋਂ ਬਾਅਦ ਅਨੁਸ਼ਕਾ ਨੂੰ ਮਿਲੀ ਵਿਰਾਟ ਦੀ ਜੱਫੀ, ਵੀਡੀਓ ਨੇ ਜਿੱਤਿਆ ਫੈਨਜ਼ ਦਾ ਦਿਲ ਧਰਮਸ਼ਾਲਾ ਵਿੱਚ ਖੇਡੇ ਗਏ IPL 2026 ਦੇ ਕੁਆਲੀਫਾਇਰ 1 ਮੁਕਾਬਲੇ ਵਿੱਚ RCB ਨੇ ਗੁਜਰਾਤ ਨੂੰ ਹਰਾਕੇ ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ। ਟੀਮ ਦੀ ਇਸ ਸ਼ਾਨਦਾਰ ਜਿੱਤ ਦੇ ਨਾਲ-ਨਾਲ ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਦੇ ਪਿਆਰ ਭਰੇ ਪਲਾਂ ਨੇ ਵੀ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ। ਮੈਚ ਦੌਰਾਨ ਅਨੁਸ਼ਕਾ ਸ਼ਰਮਾ ਸਟੈਂਡ ਵਿੱਚ ਬੈਠੀ RCB ਅਤੇ ਖ਼ਾਸ ਕਰਕੇ ਆਪਣੇ ਪਤੀ ਵਿਰਾਟ ਕੋਹਲੀ ਨੂੰ ਜ਼ੋਰਦਾਰ ਢੰਗ ਨਾਲ ਚੀਅਰ ਕਰਦੀ ਨਜ਼ਰ ਆਈ। ਜਿਵੇਂ ਹੀ RCB ਨੇ ਫਾਈਨਲ ਲਈ ਕਵਾਲੀਫਾਈ ਕੀਤਾ, ਵਿਰਾਟ ਮੈਦਾਨ ਤੋਂ ਦੌੜ ਕੇ ਅਨੁਸ਼ਕਾ ਕੋਲ ਪਹੁੰਚੇ ਅਤੇ ਉਨ੍ਹਾਂ ਨੂੰ ਗਲੇ ਲਗਾ ਕੇ ਜਿੱਤ ਦਾ ਜਸ਼ਨ ਮਨਾਇਆ। ਇਸ ਖੂਬਸੂਰਤ ਪਲ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਫੈਨਜ਼ ਨੂੰ ਇਹ ਪਿਆਰਾ ਮੋਮੈਂਟ ਕਾਫ਼ੀ ਪਸੰਦ ਆ ਰਿਹਾ ਹੈ। ਇੱਕ ਪ੍ਰਸ਼ੰਸਕ ਨੇ ਕਮੈਂਟ ਕੀਤਾ, “ਹਰ ਸਫਲ ਮਰਦ ਦੇ ਪਿੱਛੇ ਇੱਕ ਮਜ਼ਬੂਤ ਔਰਤ ਹੁੰਦੀ ਹੈ।” ਜਦਕਿ ਦੂਜੇ ਨੇ ਲਿਖਿਆ, “ਜਦੋਂ ਤੋਂ ਅਨੁਸ਼ਕਾ IPL 2026 ਦੇ ਮੈਚ ਵੇਖਣ ਆਈ ਹੈ, RCB ਹਾਰੀ ਹੀ ਨਹੀਂ।” ਇੱਕ ਹੋਰ ਵੀਡੀਓ ਵਿੱਚ ਵਿਰਾਟ ਮੈਦਾਨ ਤੋਂ ਅਨੁਸ਼ਕਾ ਨਾਲ ਗੱਲ ਕਰਦੇ ਵੀ ਦਿਖਾਈ ਦਿੱਤੇ। ਉੱਥੇ ਹੀ ਕੁਝ ਕਲਿੱਪਾਂ ਵਿੱਚ ਅਨੁਸ਼ਕਾ ਨੂੰ ਟੈਂਸ਼ਨ ਭਰੇ ਪਲਾਂ ਦੌਰਾਨ ਭਾਵੁਕ ਹੋਇਆ ਵੀ ਵੇਖਿਆ ਗਿਆ। ਵਿਰਾਟ ਅਤੇ ਅਨੁਸ਼ਕਾ ਦੀ ਲਵ ਸਟੋਰੀ ਵੀ ਫੈਨਜ਼ ਵਿੱਚ ਕਾਫ਼ੀ ਮਸ਼ਹੂਰ ਹੈ। ਦੋਵੇਂ ਪਹਿਲੀ ਵਾਰ 2013 ਵਿੱਚ ਇੱਕ ਐਡ ਸ਼ੂਟ ਦੌਰਾਨ ਮਿਲੇ ਸਨ ਅਤੇ ਕਈ ਸਾਲਾਂ ਦੀ ਡੇਟਿੰਗ ਤੋਂ ਬਾਅਦ 2017 ਵਿੱਚ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ। ਇਹ ਜੋੜਾ ਦੋ ਬੱਚਿਆਂ ਦੇ ਮਾਪੇ ਹਨ ਅਤੇ ਅਕਸਰ ਆਪਣੇ ਪਿਆਰ ਭਰੇ ਪਲਾਂ ਕਰਕੇ ਚਰਚਾ ਵਿੱਚ ਰਹਿੰਦਾ ਹੈ। ਦੂਜੇ ਪਾਸੇ, ਅਨੁਸ਼ਕਾ ਸ਼ਰਮਾ ਕਾਫ਼ੀ ਸਮੇਂ ਤੋਂ ਫਿਲਮਾਂ ਤੋਂ ਦੂਰ ਹਨ। ਉਹ ਆਖਰੀ ਵਾਰ 2018 ਦੀ ਫਿਲਮ ‘ਜ਼ੀਰੋ’ ਵਿੱਚ ਨਜ਼ਰ ਆਈ ਸੀ, ਜਿਸ ਵਿੱਚ ਉਨ੍ਹਾਂ ਨਾਲ ਸ਼ਾਹਰੁਖ ਖਾਨ ਅਤੇ ਕੈਟਰੀਨਾ ਕੈਫ ਵੀ ਸਨ।

IPL 2026: ਗੁਜਰਾਤ ਟਾਈਟਨਜ਼ ਨੇ CSK ਨੂੰ 89 ਦੌੜਾਂ ਨਾਲ ਹਰਾਇਆ, ਚੇਨਈ ਟੂਰਨਾਮੈਂਟ ਤੋਂ ਬਾਹਰ

IPL 2026: ਗੁਜਰਾਤ ਟਾਈਟਨਜ਼ ਨੇ CSK ਨੂੰ 89 ਦੌੜਾਂ ਨਾਲ ਹਰਾਇਆ, ਚੇਨਈ ਟੂਰਨਾਮੈਂਟ ਤੋਂ ਬਾਹਰ Indian Premier League ਦੇ ਇੱਕ ਅਹਿਮ ਮੁਕਾਬਲੇ ਵਿੱਚ Gujarat Titans ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ Chennai Super Kings ਨੂੰ 89 ਦੌੜਾਂ ਨਾਲ ਹਰਾ ਕੇ ਟੂਰਨਾਮੈਂਟ ਤੋਂ ਬਾਹਰ ਕਰ ਦਿੱਤਾ। ਇਸ ਜਿੱਤ ਨਾਲ ਗੁਜਰਾਤ ਨੇ 18 ਅੰਕਾਂ ਨਾਲ ਅੰਕ ਸੂਚੀ ਦੇ ਟਾਪ-2 ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ, ਜਦਕਿ 12 ਅੰਕਾਂ ‘ਤੇ ਰਹੀ ਚੇਨਈ ਟੂਰਨਾਮੈਂਟ ਤੋਂ ਬਾਹਰ ਹੋਣ ਵਾਲੀ ਤੀਜੀ ਟੀਮ ਬਣ ਗਈ। ਅਹਿਮਦਾਬਾਦ ਦੇ Narendra Modi Stadium ਵਿੱਚ ਖੇਡੇ ਗਏ ਮੈਚ ਵਿੱਚ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਗੁਜਰਾਤ ਟਾਈਟਨਜ਼ ਨੇ 20 ਓਵਰਾਂ ਵਿੱਚ 4 ਵਿਕਟਾਂ ਦੇ ਨੁਕਸਾਨ ‘ਤੇ 229 ਦੌੜਾਂ ਬਣਾਈਆਂ। ਟੀਮ ਲਈ Sai Sudharsan ਨੇ 53 ਗੇਂਦਾਂ ‘ਤੇ 84 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ, ਜਿਸ ਵਿੱਚ 7 ਚੌਕੇ ਅਤੇ 4 ਛੱਕੇ ਸ਼ਾਮਲ ਸਨ। ਕਪਤਾਨ Shubman Gill ਨੇ ਵੀ 37 ਗੇਂਦਾਂ ‘ਤੇ 64 ਦੌੜਾਂ ਬਣਾਈਆਂ, ਜਦਕਿ Jos Buttler ਨੇ 27 ਗੇਂਦਾਂ ‘ਚ 54 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ। 230 ਦੌੜਾਂ ਦੇ ਵੱਡੇ ਟਾਰਗੇਟ ਦਾ ਪਿੱਛਾ ਕਰਨ ਉਤਰੀ ਚੇਨਈ ਸੁਪਰ ਕਿੰਗਜ਼ ਦੀ ਬੱਲੇਬਾਜ਼ੀ ਗੁਜਰਾਤ ਦੇ ਗੇਂਦਬਾਜ਼ਾਂ ਅੱਗੇ ਬੁਰੀ ਤਰ੍ਹਾਂ ਫੇਲ੍ਹ ਰਹੀ। ਟੀਮ ਸਿਰਫ਼ 13.4 ਓਵਰਾਂ ਵਿੱਚ 140 ਦੌੜਾਂ ‘ਤੇ ਆਲ ਆਊਟ ਹੋ ਗਈ। Mohammed Siraj, Kagiso Rabada ਅਤੇ Rashid Khan ਨੇ 3-3 ਵਿਕਟਾਂ ਹਾਸਲ ਕਰਦਿਆਂ ਚੇਨਈ ਦੀ ਬੱਲੇਬਾਜ਼ੀ ਲਾਈਨਅੱਪ ਨੂੰ ਢਾਹ ਦਿੱਤਾ। ਸਿਰਾਜ ਨੇ 3/26 ਦੇ ਅੰਕੜਿਆਂ ਨਾਲ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਅਤੇ ਉਨ੍ਹਾਂ ਨੂੰ ‘ਪਲੇਅਰ ਆਫ਼ ਦ ਮੈਚ’ ਚੁਣਿਆ ਗਿਆ। ਚੇਨਈ ਲਈ Shivam Dube ਨੇ 17 ਗੇਂਦਾਂ ‘ਤੇ 47 ਦੌੜਾਂ ਬਣਾਈਆਂ, ਜਿਸ ਵਿੱਚ 4 ਚੌਕੇ ਅਤੇ 4 ਛੱਕੇ ਸ਼ਾਮਲ ਸਨ। ਹਾਲਾਂਕਿ, ਉਨ੍ਹਾਂ ਤੋਂ ਇਲਾਵਾ ਕੋਈ ਵੀ ਬੱਲੇਬਾਜ਼ ਕ੍ਰੀਜ਼ ‘ਤੇ ਟਿਕ ਨਹੀਂ ਸਕਿਆ।

ਦਾਦੀ ਦੇ ‘ਥਾਪੇ’ ਤੋਂ Team India ਤੱਕ ਪਹੁੰਚਿਆ ਗੁਰਨੂਰ ਬਰਾੜ, ਪਿੰਡ ਖਿਉਵਾਲੀ ‘ਚ ਖੁਸ਼ੀ ਦਾ ਮਾਹੌਲ

ਦਾਦੀ ਦੇ ‘ਥਾਪੇ’ ਤੋਂ Team India ਤੱਕ ਪਹੁੰਚਿਆ ਗੁਰਨੂਰ ਬਰਾੜ, ਪਿੰਡ ਖਿਉਵਾਲੀ ‘ਚ ਖੁਸ਼ੀ ਦਾ ਮਾਹੌਲ ਚੰਡੀਗੜ੍ਹ: ਪੰਜਾਬ ਦੇ ਪਿੰਡ ਖਿਉਵਾਲੀ ਦਾ ਨਾਮ ਹੁਣ ਸਿਰਫ਼ ਸਿਆਸਤ ਲਈ ਹੀ ਨਹੀਂ, ਸਗੋਂ ਕ੍ਰਿਕਟ ਦੀ ਦੁਨੀਆ ਵਿੱਚ ਵੀ ਚਮਕਣ ਲੱਗ ਪਿਆ ਹੈ। ਪਿੰਡ ਦੇ ਬਰਾੜ ਪਰਿਵਾਰ ਨਾਲ ਸੰਬੰਧਿਤ 6 ਫੁੱਟ 4 ਇੰਚ ਲੰਬੇ ਤੇਜ਼ ਗੇਂਦਬਾਜ਼ Gurnoor Singh Brar ਦੀ ਭਾਰਤੀ ਕ੍ਰਿਕਟ ਟੀਮ ਵਿੱਚ ਚੋਣ ਹੋ ਗਈ ਹੈ। ਇਸ ਵੱਡੀ ਉਪਲਬਧੀ ਨਾਲ ਪੂਰੇ ਇਲਾਕੇ ਵਿੱਚ ਖੁਸ਼ੀ ਦੀ ਲਹਿਰ ਹੈ। 25 ਸਾਲਾ ਸੱਜੇ ਹੱਥ ਦੇ ਇਸ ਤੇਜ਼ ਗੇਂਦਬਾਜ਼ ਨੇ ਆਪਣੀ ਰਫ਼ਤਾਰ ਅਤੇ ਲਗਾਤਾਰ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਘਰੇਲੂ ਕ੍ਰਿਕਟ ਵਿੱਚ ਵੱਖਰੀ ਪਛਾਣ ਬਣਾਈ ਹੈ। Punjab Kings ਅਤੇ Gujarat Titans ਵਰਗੀਆਂ ਆਈਪੀਐਲ ਟੀਮਾਂ ਲਈ ਖੇਡ ਚੁੱਕੇ ਗੁਰਨੂਰ ਹੁਣ Team India ਤੱਕ ਪਹੁੰਚ ਗਏ ਹਨ। ਦਾਦੀ ਦੇ ‘ਥਾਪੇ’ ਨਾਲ ਸ਼ੁਰੂ ਹੋਇਆ ਕ੍ਰਿਕਟ ਸਫ਼ਰ ਗੁਰਨੂਰ ਦਾ ਕ੍ਰਿਕਟ ਨਾਲ ਪਿਆਰ ਬਚਪਨ ਤੋਂ ਹੀ ਸੀ। ਜਦੋਂ ਉਹ ਚੰਡੀਗੜ੍ਹ ਤੋਂ ਆਪਣੇ ਜੱਦੀ ਪਿੰਡ ਖਿਉਵਾਲੀ ਆਉਂਦੇ ਸਨ, ਤਾਂ ਆਪਣੀ ਦਾਦੀ Gurdas Kaur ਨਾਲ ਕੱਪੜੇ ਧੋਣ ਵਾਲੇ ‘ਥਾਪੇ’ ਨੂੰ ਬੈਟ ਬਣਾ ਕੇ ਕ੍ਰਿਕਟ ਖੇਡਦੇ ਸਨ। ਦਾਦੀ ਗੁਰਦਾਸ ਕੌਰ ਨੇ ਭਾਵੁਕ ਹੋ ਕੇ ਦੱਸਿਆ ਕਿ ਛੋਟੇ ਹੁੰਦੇ ਗੁਰਨੂਰ ਬੜੀ ਜ਼ਿੱਦ ਕਰਦੇ ਸਨ ਕਿ ਉਹ ਉਨ੍ਹਾਂ ਨਾਲ ਕ੍ਰਿਕਟ ਖੇਡਣ। ਉਨ੍ਹਾਂ ਕਿਹਾ ਕਿ ਉਸ ਵੇਲੇ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਇਹ ਖੇਡ ਇੱਕ ਦਿਨ ਉਸਦੇ ਪੋਤਰੇ ਨੂੰ ਦੇਸ਼ ਲਈ ਖੇਡਣ ਦਾ ਮੌਕਾ ਦੇਵੇਗੀ। ਪਰਿਵਾਰ ਅਤੇ ਪਿੰਡ ਵਿੱਚ ਜਸ਼ਨ ਗੁਰਨੂਰ ਦੀ ਚੋਣ ਤੋਂ ਬਾਅਦ ਉਸਦੇ ਜੱਦੀ ਘਰ ਵਿੱਚ ਜਸ਼ਨਾਂ ਦਾ ਮਾਹੌਲ ਬਣਿਆ ਹੋਇਆ ਹੈ। ਦਾਦਾ Amarjit Singh Brar ਅਤੇ ਪਰਿਵਾਰ ਦੇ ਹੋਰ ਮੈਂਬਰ ਇਸ ਪ੍ਰਾਪਤੀ ‘ਤੇ ਮਾਣ ਮਹਿਸੂਸ ਕਰ ਰਹੇ ਹਨ। ਗੁਰਨੂਰ ਦੇ ਪਿਤਾ Sukhvir Brar ਚੰਡੀਗੜ੍ਹ ਪੁਲਿਸ ਵਿੱਚ ਸੇਵਾ ਨਿਭਾ ਰਹੇ ਹਨ, ਜਦਕਿ ਪਰਿਵਾਰ ਦਾ ਪਿਛੋਕੜ ਇੱਕ ਸਧਾਰਨ ਕਿਸਾਨ ਪਰਿਵਾਰ ਨਾਲ ਜੁੜਿਆ ਹੋਇਆ ਹੈ। ਪਰਿਵਾਰ ਦੇ ਮੈਂਬਰਾਂ ਮੁਤਾਬਕ ਗੁਰਨੂਰ ਦੀ ਮਿਹਨਤ ਅਤੇ ਲਗਨ ਨੇ ਨਾ ਸਿਰਫ਼ ਪਰਿਵਾਰ, ਸਗੋਂ ਪੂਰੇ ਇਲਾਕੇ ਦਾ ਸਿਰ ਮਾਣ ਨਾਲ ਉੱਚਾ ਕਰ ਦਿੱਤਾ ਹੈ। ਕਬੱਡੀ ਤੋਂ ਕ੍ਰਿਕਟ ਤੱਕ ਖੇਡਾਂ ਦਾ ਰਿਵਾਜ ਗੁਰਨੂਰ ਦੇ ਚਾਚਾ ਦਾਦਾ Baljit Singh Brar ਖੁਦ ਕੌਮੀ ਪੱਧਰ ਦੇ ਕਬੱਡੀ ਖਿਡਾਰੀ ਰਹਿ ਚੁੱਕੇ ਹਨ। ਪਰਿਵਾਰ ਵਿੱਚ ਖੇਡਾਂ ਦਾ ਮਾਹੌਲ ਰਹਿਣ ਕਰਕੇ ਗੁਰਨੂਰ ਨੂੰ ਵੀ ਬਚਪਨ ਤੋਂ ਹੀ ਖੇਡਾਂ ਵੱਲ ਪ੍ਰੇਰਣਾ ਮਿਲਦੀ ਰਹੀ। ਹੁਣ ਪਿੰਡ ਵਾਸੀਆਂ ਨੂੰ ਉਮੀਦ ਹੈ ਕਿ Gurnoor Singh Brar ਆਪਣੀ ਤੇਜ਼ ਗੇਂਦਬਾਜ਼ੀ ਨਾਲ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵੀ ਕਮਾਲ ਦਿਖਾਉਣਗੇ ਅਤੇ ਦੇਸ਼ ਦਾ ਨਾਮ ਰੌਸ਼ਨ ਕਰਨਗੇ।

ਅੱਜ ਪੰਜਾਬ ਕਿੰਗਜ਼ ਅਤੇ ਆਰਸੀਬੀ ਵਿਚਾਲੇ ਹੋਵੇਗੀ ਵੱਡੀ ਟੱਕਰ

ਅੱਜ ਪੰਜਾਬ ਕਿੰਗਜ਼ ਅਤੇ ਆਰਸੀਬੀ ਵਿਚਾਲੇ ਹੋਵੇਗੀ ਵੱਡੀ ਟੱਕਰ ਆਈਪੀਐਲ ਦੇ ਰੋਮਾਂਚਕ ਮੌਸਮ ਵਿੱਚ ਅੱਜ ਪੰਜਾਬ ਕਿੰਗਜ਼ ਅਤੇ ਰੌਇਲ ਚੈਲੇਂਜਰਜ਼ ਬੈਂਗਲੁਰੂ ਵਿਚਾਲੇ ਮਹੱਤਵਪੂਰਨ ਮੁਕਾਬਲਾ ਖੇਡਿਆ ਜਾਵੇਗਾ। ਦੋਵੇਂ ਟੀਮਾਂ ਪਲੇਆਫ਼ ਦੀ ਦੌੜ ਵਿੱਚ ਆਪਣੀ ਸਥਿਤੀ ਮਜ਼ਬੂਤ ਕਰਨ ਲਈ ਜਿੱਤ ਦਰਜ ਕਰਨ ਦੇ ਇਰਾਦੇ ਨਾਲ ਮੈਦਾਨ ਵਿੱਚ ਉਤਰਣਗੀਆਂ। ਪੰਜਾਬ ਕਿੰਗਜ਼ ਹਾਰਾਂ ਤੋਂ ਬਾਅਦ ਵਾਪਸੀ ਕਰਨ ਦੀ ਕੋਸ਼ਿਸ਼ ਕਰੇਗੀ। ਟੀਮ ਦੇ ਕਪਤਾਨ ਸ਼੍ਰੇਯਸ ਅਈਅਰ ਤੋਂ ਇੱਕ ਵੱਡੀ ਪਾਰੀ ਦੀ ਉਮੀਦ ਰਹੇਗੀ, ਜਦਕਿ ਪ੍ਰਭਸਿਮਰਨ ਸਿੰਘ ਅਤੇ ਅਰਸ਼ਦੀਪ ਸਿੰਘ ਵੀ ਅਹਿਮ ਭੂਮਿਕਾ ਨਿਭਾ ਸਕਦੇ ਹਨ। ਦੂਜੇ ਪਾਸੇ ਆਰਸੀਬੀ ਦੀ ਟੀਮ ਵਿਰਾਟ ਕੋਹਲੀ ਅਤੇ ਕਪਤਾਨ ਰਜਤ ਪਾਟੀਦਾਰ ‘ਤੇ ਨਿਰਭਰ ਕਰੇਗੀ। ਬੈਂਗਲੁਰੂ ਦੀ ਬੈਟਿੰਗ ਲਾਈਨਅਪ ਇਸ ਸੀਜ਼ਨ ਵਿੱਚ ਕਾਫ਼ੀ ਮਜ਼ਬੂਤ ਦਿਖਾਈ ਦਿੱਤੀ ਹੈ ਅਤੇ ਗੇਂਦਬਾਜ਼ੀ ਵਿੱਚ ਵੀ ਟੀਮ ਸੰਤੁਲਿਤ ਨਜ਼ਰ ਆ ਰਹੀ ਹੈ। ਮੈਚ ਦੀ ਪਿਚ ਬੱਲੇਬਾਜ਼ਾਂ ਲਈ ਮਦਦਗਾਰ ਮੰਨੀ ਜਾ ਰਹੀ ਹੈ, ਜਿਸ ਕਾਰਨ ਦਰਸ਼ਕਾਂ ਨੂੰ ਇੱਕ ਹਾਈ ਸਕੋਰਿੰਗ ਮੁਕਾਬਲਾ ਦੇਖਣ ਨੂੰ ਮਿਲ ਸਕਦਾ ਹੈ। ਮੌਸਮ ਸਾਫ਼ ਰਹਿਣ ਦੀ ਸੰਭਾਵਨਾ ਹੈ ਅਤੇ ਪੂਰਾ ਮੈਚ ਹੋਣ ਦੀ ਉਮੀਦ ਹੈ। ਦੋਵੇਂ ਟੀਮਾਂ ਵਿਚਾਲੇ ਪਿਛਲੇ ਰਿਕਾਰਡ ਵੀ ਕਾਫ਼ੀ ਟੱਕਰ ਵਾਲੇ ਰਹੇ ਹਨ, ਜਿਸ ਨਾਲ ਇਸ ਮੁਕਾਬਲੇ ਦੀ ਰੋਮਾਂਚਕਤਾ ਹੋਰ ਵੱਧ ਗਈ ਹੈ। ਕ੍ਰਿਕਟ ਪ੍ਰੇਮੀ ਬੇਸਬਰੀ ਨਾਲ ਇਸ ਵੱਡੇ ਮੈਚ ਦੀ ਉਡੀਕ ਕਰ ਰਹੇ ਹਨ।

ਲਖਨਊ ਨੇ ਚੇਨਈ ਨੂੰ 7 ਵਿਕਟਾਂ ਨਾਲ ਹਰਾਇਆ, ਮਿਸ਼ੇਲ ਮਾਰਸ਼ ਦੀ ਧਮਾਕੇਦਾਰ ਪਾਰੀ ਨੇ ਜਿਤਾਇਆ ਮੈਚ

ਲਖਨਊ ਨੇ ਚੇਨਈ ਨੂੰ 7 ਵਿਕਟਾਂ ਨਾਲ ਹਰਾਇਆ, ਮਿਸ਼ੇਲ ਮਾਰਸ਼ ਦੀ ਧਮਾਕੇਦਾਰ ਪਾਰੀ ਨੇ ਜਿਤਾਇਆ ਮੈਚ Lucknow Super Giants ਨੇ ਸ਼ੁੱਕਰਵਾਰ ਨੂੰ ਖੇਡੇ ਗਏ ਰੋਮਾਂਚਕ ਮੁਕਾਬਲੇ ਵਿੱਚ Chennai Super Kings ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ। ਲਖਨਊ ਦੇ ਏਕਾਨਾ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਗਏ ਇਸ ਮੈਚ ਵਿੱਚ ਮਿਸ਼ੇਲ ਮਾਰਸ਼ ਦੀ ਤਾਬੜਤੋੜ ਬੱਲੇਬਾਜ਼ੀ ਅਤੇ ਨਿਕੋਲਸ ਪੂਰਨ ਦੇ ਆਖਰੀ ਓਵਰਾਂ ਵਿੱਚ ਲਗਾਤਾਰ ਛੱਕਿਆਂ ਨੇ ਮੈਚ ਦਾ ਰੁਖ ਪੂਰੀ ਤਰ੍ਹਾਂ ਬਦਲ ਦਿੱਤਾ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਚੇਨਈ ਨੇ 20 ਓਵਰਾਂ ਵਿੱਚ 5 ਵਿਕਟਾਂ ਦੇ ਨੁਕਸਾਨ ‘ਤੇ 187 ਦੌੜਾਂ ਬਣਾਈਆਂ। ਟੀਮ ਵੱਲੋਂ ਕਾਰਤਿਕ ਸ਼ਰਮਾ ਨੇ ਆਪਣੇ ਟੀ-20 ਕਰੀਅਰ ਦੀ ਸਰਵੋਤਮ 71 ਦੌੜਾਂ ਦੀ ਪਾਰੀ ਖੇਡੀ, ਜਦਕਿ ਸ਼ਿਵਮ ਦੂਬੇ ਨੇ ਅਜੇਤੂ 32 ਦੌੜਾਂ ਜੋੜੀਆਂ। ਲਖਨਊ ਵੱਲੋਂ ਆਕਾਸ਼ ਮਹਾਰਾਜ ਸਿੰਘ ਸਭ ਤੋਂ ਕਾਮਯਾਬ ਗੇਂਦਬਾਜ਼ ਰਹੇ, ਜਿਨ੍ਹਾਂ ਨੇ 4 ਓਵਰਾਂ ਵਿੱਚ 26 ਦੌੜਾਂ ਦੇ ਕੇ 3 ਵਿਕਟਾਂ ਹਾਸਲ ਕੀਤੀਆਂ। 188 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਲਖਨਊ ਦੀ ਸ਼ੁਰੂਆਤ ਸ਼ਾਨਦਾਰ ਰਹੀ। ਮਿਸ਼ੇਲ ਮਾਰਸ਼ ਅਤੇ ਜੋਸ਼ ਇੰਗਲਿਸ ਨੇ ਪਹਿਲੀ ਵਿਕਟ ਲਈ 135 ਦੌੜਾਂ ਦੀ ਧਮਾਕੇਦਾਰ ਸਾਂਝੇਦਾਰੀ ਕਰਕੇ ਮੈਚ ਨੂੰ ਇਕ ਪਾਸੜ ਬਣਾ ਦਿੱਤਾ। Mitchell Marsh ਨੇ ਸਿਰਫ਼ 38 ਗੇਂਦਾਂ ਵਿੱਚ 90 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ। ਉਸਨੇ 9 ਚੌਕੇ ਅਤੇ 7 ਛੱਕੇ ਲਗਾਏ ਅਤੇ 236.84 ਦੇ ਸਟ੍ਰਾਈਕ ਰੇਟ ਨਾਲ ਚੇਨਈ ਦੇ ਗੇਂਦਬਾਜ਼ਾਂ ਦੀ ਧੁਨਾਈ ਕਰ ਦਿੱਤੀ। ਮਾਰਸ਼ ਨੇ ਕੇਵਲ 21 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਵੀ ਪੂਰਾ ਕੀਤਾ। ਹਾਲਾਂਕਿ, ਉਹ ਬਦਕਿਸਮਤੀ ਨਾਲ ਰਨ ਆਊਟ ਹੋ ਕੇ ਸੈਂਕੜੇ ਤੋਂ ਸਿਰਫ਼ 10 ਦੌੜਾਂ ਦੂਰ ਰਹਿ ਗਿਆ। ਜੋਸ਼ ਇੰਗਲਿਸ ਨੇ ਵੀ 32 ਗੇਂਦਾਂ ਵਿੱਚ 36 ਦੌੜਾਂ ਬਣਾ ਕੇ ਮਾਰਸ਼ ਦਾ ਬਖੂਬੀ ਸਾਥ ਦਿੱਤਾ। ਬਾਅਦ ਵਿੱਚ ਨਿਕੋਲਸ ਪੂਰਨ ਨੇ ਤੇਜ਼ਤਰਾਰ ਅੰਦਾਜ਼ ਵਿੱਚ ਸਿਰਫ਼ 17 ਗੇਂਦਾਂ ‘ਤੇ 32 ਦੌੜਾਂ ਬਣਾਈਆਂ। ਉਸਨੇ ਇੱਕ ਚੌਕਾ ਅਤੇ ਲਗਾਤਾਰ ਚਾਰ ਛੱਕੇ ਜੜ੍ਹ ਕੇ ਲਖਨਊ ਨੂੰ 20 ਗੇਂਦਾਂ ਬਾਕੀ ਰਹਿੰਦਿਆਂ ਜਿੱਤ ਦਿਵਾ ਦਿੱਤੀ। ਇਸ ਹਾਰ ਨਾਲ Chennai Super Kings ਦੀਆਂ ਪਲੇਆਫ਼ ਉਮੀਦਾਂ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਦੂਜੇ ਪਾਸੇ, ਲਖਨਊ ਲਈ ਇਹ ਜਿੱਤ ਕਾਫ਼ੀ ਮਹੱਤਵਪੂਰਨ ਸਾਬਤ ਹੋਈ। ਮੈਚ ਤੋਂ ਬਾਅਦ Mitchell Marsh ਨੂੰ ਉਸਦੀ ਧਮਾਕੇਦਾਰ ਬੱਲੇਬਾਜ਼ੀ ਲਈ “ਪਲੇਅਰ ਆਫ਼ ਦ ਮੈਚ” ਚੁਣਿਆ ਗਿਆ।

IPL 2026: Punjab Kings ਤੇ Mumbai Indians ਵਿਚਕਾਰ ਅੱਜ ਹੋਵੇਗੀ ਵੱਡੀ ਟੱਕਰ

IPL 2026: Punjab Kings ਤੇ Mumbai Indians ਵਿਚਕਾਰ ਅੱਜ ਹੋਵੇਗੀ ਵੱਡੀ ਟੱਕਰ ਮੋਹਾਲੀ: Indian ਪ੍ਰੀਮੀਅਰ ਲੀਗ 2026 ਵਿੱਚ ਅੱਜ ਕ੍ਰਿਕਟ ਪ੍ਰੇਮੀਆਂ ਲਈ ਇੱਕ ਹੋਰ ਰੋਮਾਂਚਕ ਮੁਕਾਬਲਾ ਦੇਖਣ ਨੂੰ ਮਿਲੇਗਾ, ਜਿੱਥੇ Punjab Kings ਅਤੇ Mumbai Indians ਆਹਮੋ-ਸਾਹਮਣੇ ਹੋਣਗੀਆਂ। ਇਹ ਮੈਚ ਦੋਵੇਂ ਟੀਮਾਂ ਲਈ ਕਾਫੀ ਅਹਿਮ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਪਲੇਆਫ਼ ਦੀ ਦੌੜ ਹੁਣ ਹੋਰ ਵੀ ਦਿਲਚਸਪ ਹੋ ਚੁੱਕੀ ਹੈ। ਮੈਚ ਕਿਉਂ ਹੈ ਖਾਸ? ਧਰਮਸ਼ਾਲਾ ਦੀ ਪਿਚ ਅਤੇ ਮੌਸਮ ਰਿਪੋਰਟ Himachal Pradesh Cricket Association Stadium ਦੀ ਪਿਚ ਆਮ ਤੌਰ ‘ਤੇ ਬੱਲੇਬਾਜ਼ਾਂ ਲਈ ਮਦਦਗਾਰ ਮੰਨੀ ਜਾਂਦੀ ਹੈ। ਪਿਚ ਦੀਆਂ ਖਾਸ ਗੱਲਾਂ: ਮੌਸਮ ਅਪਡੇਟ: ਇਨ੍ਹਾਂ ਖਿਡਾਰੀਆਂ ‘ਤੇ ਰਹੇਗੀ ਸਭ ਦੀ ਨਜ਼ਰ Punjab Kings ਦੇ ਮੁੱਖ ਖਿਡਾਰੀ Mumbai Indians ਦੇ ਮੁੱਖ ਖਿਡਾਰੀ ਕੌਣ ਮਾਰ ਸਕਦਾ ਹੈ ਬਾਜ਼ੀ? ਕ੍ਰਿਕਟ ਮਾਹਿਰਾਂ ਦੇ ਅਨੁਸਾਰ ਇਹ ਮੈਚ ਕਾਫੀ ਕੜਾ ਹੋ ਸਕਦਾ ਹੈ। ਦੋਵੇਂ ਟੀਮਾਂ ਦੇ ਕੋਲ ਮਜ਼ਬੂਤ ਬੈਟਿੰਗ ਅਤੇ ਗੇਂਦਬਾਜ਼ੀ ਲਾਈਨਅੱਪ ਮੌਜੂਦ ਹੈ। ਹਾਲਾਂਕਿ ਮੌਜੂਦਾ ਫਾਰਮ ਅਤੇ ਘਰੇਲੂ ਹਾਲਾਤਾਂ ਨੂੰ ਦੇਖਦੇ ਹੋਏ Punjab Kings ਨੂੰ ਹਲਕਾ ਫਾਇਦਾ ਮਿਲਦਾ ਨਜ਼ਰ ਆ ਰਿਹਾ ਹੈ। ਜੇਕਰ ਟੌਪ ਆਰਡਰ ਚੰਗੀ ਸ਼ੁਰੂਆਤ ਦਿੰਦਾ ਹੈ ਤਾਂ ਪੰਜਾਬ ਇਹ ਮੈਚ ਆਪਣੇ ਨਾਮ ਕਰ ਸਕਦੀ ਹੈ। ਫੈਨਜ਼ ਲਈ ਰਹੇਗਾ ਪੂਰਾ ਮਨੋਰੰਜਨ ਇਸ ਵੱਡੇ ਮੁਕਾਬਲੇ ਵਿੱਚ ਚੌਕੇ-ਛੱਕਿਆਂ ਦੀ ਬਰਸਾਤ, ਸਟਾਰ ਖਿਡਾਰੀਆਂ ਦੀ ਟੱਕਰ ਅਤੇ ਆਖ਼ਰੀ ਓਵਰ ਤੱਕ ਸਸਪੈਂਸ ਦੇਖਣ ਨੂੰ ਮਿਲ ਸਕਦਾ ਹੈ। IPL 2026 ਦਾ ਇਹ ਮੈਚ ਕ੍ਰਿਕਟ ਪ੍ਰੇਮੀਆਂ ਲਈ ਪੂਰਾ ਐਨਟਰਟੇਨਮੈਂਟ ਪੈਕੇਜ ਸਾਬਤ ਹੋ ਸਕਦਾ ਹੈ।