Author: Simar

ਨਵੇਂ ਅਵਤਾਰ ਵਿੱਚ ਦਰਸ਼ਕਾਂ ਸਨਮੁੱਖ ਹੋਣਗੇ ਗੁਰਪ੍ਰੀਤ ਘੁੱਗੀ, ‘ਟੌਪ ਕੌਪ’ 29 ਮਈ ਨੂੰ ਹੋਵੇਗੀ ਰਿਲੀਜ਼

ਨਵੇਂ ਅਵਤਾਰ ਵਿੱਚ ਦਰਸ਼ਕਾਂ ਸਨਮੁੱਖ ਹੋਣਗੇ ਗੁਰਪ੍ਰੀਤ ਘੁੱਗੀ, ‘ਟੌਪ ਕੌਪ’ 29 ਮਈ ਨੂੰ ਹੋਵੇਗੀ ਰਿਲੀਜ਼ ਰਿਲੀਜ਼ ਲਈ ਤਿਆਰ ਗੁਰਪ੍ਰੀਤ ਘੁੱਗੀ ਦੀ ਪੰਜਾਬੀ ਸੀਰੀਜ਼/ਫ਼ਿਲਮ ਟੌਪ ਕੌਪ 29 ਮਈ ਨੂੰ Chaupal ‘ਤੇ ਰਿਲੀਜ਼ ਹੋਵੇਗੀ। ਪੰਜਾਬੀ ਸਿਨੇਮਾ ਵਿੱਚ ਕਾਮੇਡੀ ਅਦਾਕਾਰ ਵਜੋਂ ਮਸ਼ਹੂਰ ਗੁਰਪ੍ਰੀਤ ਘੁੱਗੀ ਇਸ ਵਾਰ ਆਪਣੇ ਰਵਾਇਤੀ ਅੰਦਾਜ਼ ਤੋਂ ਬਿਲਕੁਲ ਵੱਖਰੇ ਅਤੇ ਰਫ-ਟਫ ਅਵਤਾਰ ਵਿੱਚ ਦਰਸ਼ਕਾਂ ਦੇ ਸਾਹਮਣੇ ਆਉਣਗੇ। Dank Studios ਦੇ ਬੈਨਰ ਹੇਠ ਬਣ ਰਹੀ ਇਸ ਸੀਰੀਜ਼ ਦਾ ਨਿਰਦੇਸ਼ਨ ਗੁਰਲਵ ਸਿੰਘ ਰਟੋਲ ਕਰ ਰਹੇ ਹਨ, ਜਦਕਿ ਇਸ ਦੇ ਨਿਰਮਾਤਾ ਜਸਕਰਨ ਸਿੰਘ ਹਨ। ਵੱਡੇ ਸੈੱਟਅੱਪ ਅਤੇ ਵਿਸ਼ਾਲ ਕੈਨਵਸ ‘ਤੇ ਤਿਆਰ ਕੀਤੀ ਗਈ ਇਹ ਪ੍ਰੋਜੈਕਟ ਗੁਰਪ੍ਰੀਤ ਘੁੱਗੀ ਲਈ ਓਟੀਟੀ ਦੁਨੀਆ ਵਿੱਚ ਇੱਕ ਨਵੀਂ ਸ਼ੁਰੂਆਤ ਮੰਨੀ ਜਾ ਰਹੀ ਹੈ। ਸੀਰੀਜ਼ ਵਿੱਚ ਗੁਰਪ੍ਰੀਤ ਘੁੱਗੀ ਇੱਕ ਇਨਵੈਸਟੀਗੇਸ਼ਨ ਅਧਿਕਾਰੀ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ, ਜੋ ਉਨ੍ਹਾਂ ਦੇ ਲੰਬੇ ਅਦਾਕਾਰੀ ਕਰੀਅਰ ਵਿੱਚ ਪਹਿਲੀ ਵਾਰ ਦੇਖਣ ਨੂੰ ਮਿਲੇਗਾ। ਹਾਲ ਹੀ ਵਿੱਚ ਇੱਕ ਵਿਵਾਦ ਕਾਰਨ ਚਰਚਾ ਵਿੱਚ ਰਹੇ ਗੁਰਪ੍ਰੀਤ ਘੁੱਗੀ ਹੁਣ ਇਸ ਨਵੇਂ ਪ੍ਰੋਜੈਕਟ ਰਾਹੀਂ ਆਪਣੀ ਕਾਰਜਸ਼ੀਲਤਾ ਨੂੰ ਨਵੀਂ ਦਿਸ਼ਾ ਦੇ ਰਹੇ ਹਨ। ਇਸ ਸੀਰੀਜ਼ ਵਿੱਚ ਕਿਸ਼ਵਰ, ਗੁਨਵੀਨ ਮਨਚੰਦਾ, ਬਿਨੈ ਮਨਚੰਦਾ, ਸੁਖਵਿੰਦਰ ਰਾਜ ਬੁੱਟਰ ਅਤੇ ਗੁਰਪ੍ਰੀਤ ਤੋਤੀ ਵੀ ਅਹਿਮ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।

ਮਲੇਸ਼ੀਆ ਮਾਸਟਰਜ਼: ਮਾਲਵਿਕਾ ਬਾਂਸੋੜ ਤੇ ਅਸ਼ਮਿਤਾ ਚਾਲੀਹਾ ਅਗਲੇ ਗੇੜ ‘ਚ, ਭਾਰਤੀ ਖਿਡਾਰੀਆਂ ਲਈ ਮਿਲਿਆ-ਝੁਲਿਆ ਦਿਨ

ਮਲੇਸ਼ੀਆ ਮਾਸਟਰਜ਼: ਮਾਲਵਿਕਾ ਬਾਂਸੋੜ ਤੇ ਅਸ਼ਮਿਤਾ ਚਾਲੀਹਾ ਅਗਲੇ ਗੇੜ ‘ਚ, ਭਾਰਤੀ ਖਿਡਾਰੀਆਂ ਲਈ ਮਿਲਿਆ-ਝੁਲਿਆ ਦਿਨ ਕੁਆਲਾਲੰਪੁਰ: Malaysia Masters 2026 ਸੁਪਰ 500 ਬੈਡਮਿੰਟਨ ਟੂਰਨਾਮੈਂਟ ਵਿੱਚ ਭਾਰਤੀ ਮਹਿਲਾ ਸਿੰਗਲਜ਼ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਅਗਲੇ ਗੇੜ ਵਿੱਚ ਜਗ੍ਹਾ ਬਣਾਈ ਹੈ। ਮਾਲਵਿਕਾ ਬਾਂਸੋੜ ਅਤੇ ਅਸ਼ਮਿਤਾ ਚਾਲੀਹਾ ਨੇ ਆਪਣੇ-ਆਪਣੇ ਪਹਿਲੇ ਰਾਊਂਡ ਦੇ ਮੁਕਾਬਲੇ ਜਿੱਤ ਲਏ। ਮਾਲਵਿਕਾ ਬਾਂਸੋੜ ਦੀ ਵਾਪਸੀ ਜਿੱਤ Malvika Bansod ਨੇ ਸੱਟ ਤੋਂ ਵਾਪਸੀ ਕਰਦਿਆਂ ਜਰਮਨੀ ਦੀ ਵਾਈਵੋਨ ਲੀ ਨੂੰ ਤਿੰਨ ਸੈੱਟਾਂ ਦੇ ਫਸਵੇਂ ਮੁਕਾਬਲੇ ਵਿੱਚ 21-17, 16-21, 21-9 ਨਾਲ ਹਰਾਇਆ। ਉਨ੍ਹਾਂ ਨੇ ਦਬਾਅ ਭਰੇ ਪਲਾਂ ਵਿੱਚ ਸ਼ਾਨਦਾਰ ਕੰਟਰੋਲ ਦਿਖਾਇਆ। ਅਸ਼ਮਿਤਾ ਚਾਲੀਹਾ ਦੀ ਸਿੱਧੀ ਜਿੱਤ Ashmita Chaliha ਨੇ ਇੰਡੋਨੇਸ਼ੀਆ ਦੀ ਥਾਲੀਤਾ ਰਾਮਧਾਨੀ ਨੂੰ ਸਿੱਧੇ ਸੈੱਟਾਂ ਵਿੱਚ 21-16, 21-13 ਨਾਲ ਹਰਾ ਕੇ ਅਗਲੇ ਰਾਊਂਡ ਵਿੱਚ ਪ੍ਰਵੇਸ਼ ਕੀਤਾ। ਉਨ੍ਹਾਂ ਦਾ ਖੇਡ ਪੂਰੇ ਮੈਚ ਦੌਰਾਨ ਹਾਵੀ ਰਿਹਾ। ਹੋਰ ਭਾਰਤੀ ਖਿਡਾਰੀਆਂ ਲਈ ਨਿਰਾਸ਼ਾਜਨਕ ਦਿਨ ਪੁਰਸ਼ ਸਿੰਗਲਜ਼ ਵਿੱਚ Lakshya Sen ਨੂੰ ਇੰਡੋਨੇਸ਼ੀਆ ਦੇ ਐੱਮ. ਜ਼ਾਕੀ ਉਬੈਦਿੱਲਾ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। HS Prannoy ਇੱਕ 80 ਮਿੰਟ ਲੰਬੇ ਕਾਫੀ ਕਠਿਨ ਮੁਕਾਬਲੇ ਵਿੱਚ ਜਪਾਨ ਦੇ ਕੋਦਾਈ ਨਾਰਾਓਕਾ ਖ਼ਿਲਾਫ਼ ਤਿੰਨ ਸੈੱਟਾਂ ਵਿੱਚ ਹਾਰ ਗਏ। ਕਿਰਨ ਜੌਰਜ ਨੇ ਸੱਟ ਕਾਰਨ ਮੈਚ ਵਿਚਾਲੇ ਹੀ ਹਾਰ ਮੰਨ ਲਈ, ਜਦਕਿ ਤਰੁਣ ਮੰਨੇਪੱਲੀ ਵੀ ਤਾਈਵਾਨ ਦੇ ਵਾਂਗ ਪੋ-ਵੇਈ ਹੱਥੋਂ ਬਾਹਰ ਹੋ ਗਏ। ਡਬਲਜ਼ ਵਿੱਚ ਵੀ ਨਿਰਾਸ਼ਾ ਮਿਕਸਡ ਡਬਲਜ਼ ਵਿੱਚ ਆਸ਼ਿਤ ਸੂਰਿਆ ਅਤੇ ਅੰਮ੍ਰਿਤਾ ਪ੍ਰਮੁਤੇਸ਼ ਦੀ ਜੋੜੀ ਪਹਿਲੇ ਹੀ ਗੇੜ ਵਿੱਚ ਹਾਰ ਗਈ। ਮਹਿਲਾ ਡਬਲਜ਼ ਵਿੱਚ ਰੁਤਪਰਨਾ ਪਾਂਡਾ ਅਤੇ ਸ਼ਵੇਤਪਰਨਾ ਪਾਂਡਾ ਨੂੰ ਜਪਾਨੀ ਜੋੜੀ ਨੇ ਮਾਤ ਦਿੱਤੀ। ਕੁੱਲ ਮਿਲਾ ਕੇ ਦਿਨ Malaysia Masters 2026 ਵਿੱਚ ਭਾਰਤੀ ਬੈਡਮਿੰਟਨ ਟੀਮ ਲਈ ਦਿਨ ਮਿਲਿਆ-ਝੁਲਿਆ ਰਿਹਾ, ਪਰ ਮਾਲਵਿਕਾ ਬਾਂਸੋੜ ਅਤੇ ਅਸ਼ਮਿਤਾ ਚਾਲੀਹਾ ਦੀਆਂ ਜਿੱਤਾਂ ਨੇ ਉਮੀਦਾਂ ਜ਼ਿੰਦਾ ਰੱਖੀਆਂ ਹਨ।

ਬੰਗਲਾਦੇਸ਼ ਨੇ ਪਾਕਿਸਤਾਨ ਖ਼ਿਲਾਫ਼ ਟੈਸਟ ਸੀਰੀਜ਼ ਜਿੱਤੀ, ਦੂਜੇ ਮੈਚ ‘ਚ 78 ਦੌੜਾਂ ਨਾਲ ਸ਼ਾਨਦਾਰ ਜਿੱਤ

ਬੰਗਲਾਦੇਸ਼ ਨੇ ਪਾਕਿਸਤਾਨ ਖ਼ਿਲਾਫ਼ ਟੈਸਟ ਸੀਰੀਜ਼ ਜਿੱਤੀ, ਦੂਜੇ ਮੈਚ ‘ਚ 78 ਦੌੜਾਂ ਨਾਲ ਸ਼ਾਨਦਾਰ ਜਿੱਤ ਚਟਗਾਂਗ: ਕ੍ਰਿਕਟ ਟੈਸਟ ਸੀਰੀਜ਼ ਵਿੱਚ ਬੰਗਲਾਦੇਸ਼ ਨੇ ਇਤਿਹਾਸਕ ਪ੍ਰਦਰਸ਼ਨ ਕਰਦਿਆਂ ਪਾਕਿਸਤਾਨ ਨੂੰ 2-0 ਨਾਲ ਹਰਾ ਕੇ ਸੀਰੀਜ਼ ਆਪਣੇ ਨਾਮ ਕਰ ਲਈ ਹੈ। ਦੂਜੇ ਅਤੇ ਆਖ਼ਰੀ ਟੈਸਟ ਮੈਚ ਵਿੱਚ ਮੇਜ਼ਬਾਨ ਟੀਮ ਨੇ ਪਾਕਿਸਤਾਨ ਨੂੰ 78 ਦੌੜਾਂ ਨਾਲ ਹਰਾਇਆ। ਖੱਬੇ ਹੱਥ ਦੇ ਸਪਿੰਨਰ Taijul Islam ਦੀ ਘਾਤਕ ਗੇਂਦਬਾਜ਼ੀ ਨੇ ਪਾਕਿਸਤਾਨੀ ਬੱਲੇਬਾਜ਼ਾਂ ਨੂੰ ਪੂਰੀ ਤਰ੍ਹਾਂ ਦਬਾਅ ਵਿੱਚ ਰੱਖਿਆ ਅਤੇ ਉਨ੍ਹਾਂ ਨੇ 6 ਵਿਕਟਾਂ ਹਾਸਲ ਕੀਤੀਆਂ। 437 ਦੌੜਾਂ ਦਾ ਟੀਚਾ ਵੀ ਨਾ ਬਚਾ ਸਕੀ ਪਾਕਿਸਤਾਨ ਬੰਗਲਾਦੇਸ਼ ਨੇ ਪਹਿਲੀ ਪਾਰੀ ਵਿੱਚ 278 ਦੌੜਾਂ ਬਣਾਈਆਂ, ਜਿਸ ਦੇ ਜਵਾਬ ਵਿੱਚ ਪਾਕਿਸਤਾਨੀ ਟੀਮ 232 ਦੌੜਾਂ ‘ਤੇ ਆਲਆਉਟ ਹੋ ਗਈ। ਇਸ ਤਰ੍ਹਾਂ ਬੰਗਲਾਦੇਸ਼ ਨੂੰ 46 ਦੌੜਾਂ ਦੀ ਲੀਡ ਮਿਲੀ। ਦੂਜੀ ਪਾਰੀ ਵਿੱਚ ਬੰਗਲਾਦੇਸ਼ ਨੇ 390 ਦੌੜਾਂ ਬਣਾਕੇ ਪਾਕਿਸਤਾਨ ਸਾਹਮਣੇ 437 ਦੌੜਾਂ ਦਾ ਵੱਡਾ ਟੀਚਾ ਰੱਖਿਆ। ਜਵਾਬ ਵਿੱਚ ਪਾਕਿਸਤਾਨੀ ਟੀਮ 358 ਦੌੜਾਂ ‘ਤੇ ਹੀ ਢੇਰ ਹੋ ਗਈ। ਰਿਜ਼ਵਾਨ ਦੀ ਕੋਸ਼ਿਸ਼ ਵੀ ਰਹੀ ਨਾਕਾਮ ਪਾਕਿਸਤਾਨ ਵੱਲੋਂ Mohammad Rizwan ਨੇ 94 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਅਤੇ ਸਾਜਿਦ ਖ਼ਾਨ ਨਾਲ ਮਿਲ ਕੇ 54 ਦੌੜਾਂ ਦੀ ਭਾਈਵਾਲੀ ਕਰਕੇ ਮੈਚ ਬਚਾਉਣ ਦੀ ਕੋਸ਼ਿਸ਼ ਕੀਤੀ। ਪਰ ਬੰਗਲਾਦੇਸ਼ੀ ਗੇਂਦਬਾਜ਼ੀ ਅੱਗੇ ਪਾਕਿਸਤਾਨੀ ਪਾਰੀ ਟਿਕ ਨਾ ਸਕੀ। Shoriful Islam ਨੇ ਮਹੱਤਵਪੂਰਨ ਵਿਕਟ ਲੈ ਕੇ ਪਾਕਿਸਤਾਨ ਦੀ ਆਖ਼ਰੀ ਉਮੀਦ ਵੀ ਖਤਮ ਕਰ ਦਿੱਤੀ। ਪੰਜਵੇਂ ਦਿਨ ਪਾਕਿਸਤਾਨ ਦੀ ਢਹਿ ਗਈ ਪਾਰੀ ਪੰਜਵੇਂ ਦਿਨ ਪਾਕਿਸਤਾਨ ਨੇ 316/7 ਤੋਂ ਅੱਗੇ ਖੇਡ ਸ਼ੁਰੂ ਕੀਤੀ, ਪਰ ਕੁਝ ਹੀ ਸਮੇਂ ਵਿੱਚ ਬਾਕੀ ਵਿਕਟਾਂ ਗੁਆ ਬੈਠੀ। ਆਖ਼ਰੀ ਵਿਕਟਾਂ ਤੇਜ਼ੀ ਨਾਲ ਡਿੱਗਣ ਕਾਰਨ ਟੀਮ 358 ਦੌੜਾਂ ‘ਤੇ ਆਲਆਉਟ ਹੋ ਗਈ। ਪਾਕਿਸਤਾਨੀ ਕਪਤਾਨ Shan Masood ਨੇ ਹਾਰ ਮੰਨਦਿਆਂ ਕਿਹਾ ਕਿ ਪਹਿਲੇ ਤਿੰਨ ਦਿਨਾਂ ਦੀਆਂ ਗਲਤੀਆਂ ਨੇ ਟੀਮ ਨੂੰ ਮੈਚ ਤੋਂ ਦੂਰ ਕਰ ਦਿੱਤਾ। ਸੀਰੀਜ਼ ‘ਤੇ ਬੰਗਲਾਦੇਸ਼ ਦਾ ਕਬਜ਼ਾ ਇਸ ਜਿੱਤ ਨਾਲ ਬੰਗਲਾਦੇਸ਼ ਨੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ 2-0 ਨਾਲ ਆਪਣੇ ਨਾਮ ਕਰ ਲਈ ਹੈ ਅਤੇ ਕ੍ਰਿਕਟ ਜਗਤ ਵਿੱਚ ਵੱਡਾ ਸੁਨੇਹਾ ਦਿੱਤਾ ਹੈ ਕਿ ਉਹ ਘਰੇਲੂ ਹਾਲਾਤਾਂ ਵਿੱਚ ਕਿਸੇ ਵੀ ਵੱਡੀ ਟੀਮ ਨੂੰ ਹਰਾਉਣ ਦੀ ਸਮਰੱਥਾ ਰੱਖਦੇ ਹਨ।

ਦਾਦੀ ਦੇ ‘ਥਾਪੇ’ ਤੋਂ Team India ਤੱਕ ਪਹੁੰਚਿਆ ਗੁਰਨੂਰ ਬਰਾੜ, ਪਿੰਡ ਖਿਉਵਾਲੀ ‘ਚ ਖੁਸ਼ੀ ਦਾ ਮਾਹੌਲ

ਦਾਦੀ ਦੇ ‘ਥਾਪੇ’ ਤੋਂ Team India ਤੱਕ ਪਹੁੰਚਿਆ ਗੁਰਨੂਰ ਬਰਾੜ, ਪਿੰਡ ਖਿਉਵਾਲੀ ‘ਚ ਖੁਸ਼ੀ ਦਾ ਮਾਹੌਲ ਚੰਡੀਗੜ੍ਹ: ਪੰਜਾਬ ਦੇ ਪਿੰਡ ਖਿਉਵਾਲੀ ਦਾ ਨਾਮ ਹੁਣ ਸਿਰਫ਼ ਸਿਆਸਤ ਲਈ ਹੀ ਨਹੀਂ, ਸਗੋਂ ਕ੍ਰਿਕਟ ਦੀ ਦੁਨੀਆ ਵਿੱਚ ਵੀ ਚਮਕਣ ਲੱਗ ਪਿਆ ਹੈ। ਪਿੰਡ ਦੇ ਬਰਾੜ ਪਰਿਵਾਰ ਨਾਲ ਸੰਬੰਧਿਤ 6 ਫੁੱਟ 4 ਇੰਚ ਲੰਬੇ ਤੇਜ਼ ਗੇਂਦਬਾਜ਼ Gurnoor Singh Brar ਦੀ ਭਾਰਤੀ ਕ੍ਰਿਕਟ ਟੀਮ ਵਿੱਚ ਚੋਣ ਹੋ ਗਈ ਹੈ। ਇਸ ਵੱਡੀ ਉਪਲਬਧੀ ਨਾਲ ਪੂਰੇ ਇਲਾਕੇ ਵਿੱਚ ਖੁਸ਼ੀ ਦੀ ਲਹਿਰ ਹੈ। 25 ਸਾਲਾ ਸੱਜੇ ਹੱਥ ਦੇ ਇਸ ਤੇਜ਼ ਗੇਂਦਬਾਜ਼ ਨੇ ਆਪਣੀ ਰਫ਼ਤਾਰ ਅਤੇ ਲਗਾਤਾਰ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਘਰੇਲੂ ਕ੍ਰਿਕਟ ਵਿੱਚ ਵੱਖਰੀ ਪਛਾਣ ਬਣਾਈ ਹੈ। Punjab Kings ਅਤੇ Gujarat Titans ਵਰਗੀਆਂ ਆਈਪੀਐਲ ਟੀਮਾਂ ਲਈ ਖੇਡ ਚੁੱਕੇ ਗੁਰਨੂਰ ਹੁਣ Team India ਤੱਕ ਪਹੁੰਚ ਗਏ ਹਨ। ਦਾਦੀ ਦੇ ‘ਥਾਪੇ’ ਨਾਲ ਸ਼ੁਰੂ ਹੋਇਆ ਕ੍ਰਿਕਟ ਸਫ਼ਰ ਗੁਰਨੂਰ ਦਾ ਕ੍ਰਿਕਟ ਨਾਲ ਪਿਆਰ ਬਚਪਨ ਤੋਂ ਹੀ ਸੀ। ਜਦੋਂ ਉਹ ਚੰਡੀਗੜ੍ਹ ਤੋਂ ਆਪਣੇ ਜੱਦੀ ਪਿੰਡ ਖਿਉਵਾਲੀ ਆਉਂਦੇ ਸਨ, ਤਾਂ ਆਪਣੀ ਦਾਦੀ Gurdas Kaur ਨਾਲ ਕੱਪੜੇ ਧੋਣ ਵਾਲੇ ‘ਥਾਪੇ’ ਨੂੰ ਬੈਟ ਬਣਾ ਕੇ ਕ੍ਰਿਕਟ ਖੇਡਦੇ ਸਨ। ਦਾਦੀ ਗੁਰਦਾਸ ਕੌਰ ਨੇ ਭਾਵੁਕ ਹੋ ਕੇ ਦੱਸਿਆ ਕਿ ਛੋਟੇ ਹੁੰਦੇ ਗੁਰਨੂਰ ਬੜੀ ਜ਼ਿੱਦ ਕਰਦੇ ਸਨ ਕਿ ਉਹ ਉਨ੍ਹਾਂ ਨਾਲ ਕ੍ਰਿਕਟ ਖੇਡਣ। ਉਨ੍ਹਾਂ ਕਿਹਾ ਕਿ ਉਸ ਵੇਲੇ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਇਹ ਖੇਡ ਇੱਕ ਦਿਨ ਉਸਦੇ ਪੋਤਰੇ ਨੂੰ ਦੇਸ਼ ਲਈ ਖੇਡਣ ਦਾ ਮੌਕਾ ਦੇਵੇਗੀ। ਪਰਿਵਾਰ ਅਤੇ ਪਿੰਡ ਵਿੱਚ ਜਸ਼ਨ ਗੁਰਨੂਰ ਦੀ ਚੋਣ ਤੋਂ ਬਾਅਦ ਉਸਦੇ ਜੱਦੀ ਘਰ ਵਿੱਚ ਜਸ਼ਨਾਂ ਦਾ ਮਾਹੌਲ ਬਣਿਆ ਹੋਇਆ ਹੈ। ਦਾਦਾ Amarjit Singh Brar ਅਤੇ ਪਰਿਵਾਰ ਦੇ ਹੋਰ ਮੈਂਬਰ ਇਸ ਪ੍ਰਾਪਤੀ ‘ਤੇ ਮਾਣ ਮਹਿਸੂਸ ਕਰ ਰਹੇ ਹਨ। ਗੁਰਨੂਰ ਦੇ ਪਿਤਾ Sukhvir Brar ਚੰਡੀਗੜ੍ਹ ਪੁਲਿਸ ਵਿੱਚ ਸੇਵਾ ਨਿਭਾ ਰਹੇ ਹਨ, ਜਦਕਿ ਪਰਿਵਾਰ ਦਾ ਪਿਛੋਕੜ ਇੱਕ ਸਧਾਰਨ ਕਿਸਾਨ ਪਰਿਵਾਰ ਨਾਲ ਜੁੜਿਆ ਹੋਇਆ ਹੈ। ਪਰਿਵਾਰ ਦੇ ਮੈਂਬਰਾਂ ਮੁਤਾਬਕ ਗੁਰਨੂਰ ਦੀ ਮਿਹਨਤ ਅਤੇ ਲਗਨ ਨੇ ਨਾ ਸਿਰਫ਼ ਪਰਿਵਾਰ, ਸਗੋਂ ਪੂਰੇ ਇਲਾਕੇ ਦਾ ਸਿਰ ਮਾਣ ਨਾਲ ਉੱਚਾ ਕਰ ਦਿੱਤਾ ਹੈ। ਕਬੱਡੀ ਤੋਂ ਕ੍ਰਿਕਟ ਤੱਕ ਖੇਡਾਂ ਦਾ ਰਿਵਾਜ ਗੁਰਨੂਰ ਦੇ ਚਾਚਾ ਦਾਦਾ Baljit Singh Brar ਖੁਦ ਕੌਮੀ ਪੱਧਰ ਦੇ ਕਬੱਡੀ ਖਿਡਾਰੀ ਰਹਿ ਚੁੱਕੇ ਹਨ। ਪਰਿਵਾਰ ਵਿੱਚ ਖੇਡਾਂ ਦਾ ਮਾਹੌਲ ਰਹਿਣ ਕਰਕੇ ਗੁਰਨੂਰ ਨੂੰ ਵੀ ਬਚਪਨ ਤੋਂ ਹੀ ਖੇਡਾਂ ਵੱਲ ਪ੍ਰੇਰਣਾ ਮਿਲਦੀ ਰਹੀ। ਹੁਣ ਪਿੰਡ ਵਾਸੀਆਂ ਨੂੰ ਉਮੀਦ ਹੈ ਕਿ Gurnoor Singh Brar ਆਪਣੀ ਤੇਜ਼ ਗੇਂਦਬਾਜ਼ੀ ਨਾਲ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵੀ ਕਮਾਲ ਦਿਖਾਉਣਗੇ ਅਤੇ ਦੇਸ਼ ਦਾ ਨਾਮ ਰੌਸ਼ਨ ਕਰਨਗੇ।

CIFFA ਫਿਲਮ ਫੈਸਟੀਵਲ ਦਾ ਹਿੱਸਾ ਬਣੇਗੀ ਪੰਜਾਬੀ ਫਿਲਮ ‘ਚਾਲੀ ਦਿਨ’, ਇਸ ਦਿਨ ਹੋਵੇਗੀ ਰਿਲੀਜ਼

CIFFA ਫਿਲਮ ਫੈਸਟੀਵਲ ਦਾ ਹਿੱਸਾ ਬਣੇਗੀ ਪੰਜਾਬੀ ਫਿਲਮ ‘ਚਾਲੀ ਦਿਨ’, ਇਸ ਦਿਨ ਹੋਵੇਗੀ ਰਿਲੀਜ਼ ਚੰਡੀਗੜ੍ਹ: ਪੰਜਾਬੀ ਸਿਨੇਮਾ ਲਈ ਮਾਣ ਵਾਲੀ ਗੱਲ ਹੈ ਕਿ ਆਉਣ ਵਾਲੀ ਪੰਜਾਬੀ ਫਿਲਮ Chali Din ਨੂੰ ਅੰਤਰਰਾਸ਼ਟਰੀ ਪੱਧਰ ‘ਤੇ ਵੱਡੀ ਪਛਾਣ ਮਿਲਣ ਜਾ ਰਹੀ ਹੈ। ਇਹ ਫਿਲਮ 2026 ਵਿੱਚ ਹੋਣ ਵਾਲੇ CIFFA International Film Festival ਦਾ ਹਿੱਸਾ ਬਣੇਗੀ, ਜੋ ਅਮਰੀਕਾ ਦੇ Los Angeles ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਦੁਨੀਆ ਭਰ ਦੀਆਂ ਚੁਣੀਂਦਾ ਫਿਲਮਾਂ ਨੂੰ ਇੱਕ ਮੰਚ ‘ਤੇ ਲਿਆਉਣ ਵਾਲੇ ਇਸ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਵਿੱਚ ਪੰਜਾਬੀ ਫਿਲਮ Chali Din ਆਪਣੀ ਖਾਸ ਉਪਸਥਿਤੀ ਦਰਜ ਕਰਵਾਉਣ ਲਈ ਤਿਆਰ ਹੈ। 19 ਜੂਨ 2026 ਨੂੰ ਹੋਵੇਗੀ ਰਿਲੀਜ਼ ਇਸ ਫਿਲਮ ਦਾ ਨਿਰਦੇਸ਼ਨ Tarunvir Singh Jagpal ਵੱਲੋਂ ਕੀਤਾ ਗਿਆ ਹੈ, ਜੋ ਪੰਜਾਬੀ ਫਿਲਮ ਇੰਡਸਟਰੀ ਦੇ ਪ੍ਰਸਿੱਧ ਫਿਲਮਕਾਰਾਂ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾ ਚੁੱਕੇ ਹਨ। ਫਿਲਮ 19 ਜੂਨ 2026 ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ। ਫਿਲਮ ਦੀ ਕਹਾਣੀ ਮਸ਼ਹੂਰ ਲੇਖਕ ਅਤੇ ਡਾਕਟਰ Dr. Gurpreet Singh Dhugga ਦੇ ਪ੍ਰਸਿੱਧ ਪੰਜਾਬੀ ਨਾਵਲ ‘ਚਾਲੀ ਦਿਨ’ ‘ਤੇ ਆਧਾਰਿਤ ਹੈ। ਸਕ੍ਰੀਨਪਲੇ ਅਤੇ ਲੇਖਣ ਵੀ ਉਨ੍ਹਾਂ ਵੱਲੋਂ ਹੀ ਕੀਤਾ ਗਿਆ ਹੈ। ਇਹ ਫਿਲਮ ਪੰਜਾਬੀ ਸਾਹਿਤ ਅਤੇ ਸਿਨੇਮਾ ਦੇ ਸੁੰਦਰ ਮੇਲ ਨੂੰ ਦਰਸਾਉਂਦੀ ਹੈ। ਸਟਾਰ ਕਾਸਟ ਵਿੱਚ ਕਈ ਮਸ਼ਹੂਰ ਚਿਹਰੇ ਫਿਲਮ ਦੀ ਸ਼ੂਟਿੰਗ ਪੰਜਾਬ ਦੇ ਨਾਲ-ਨਾਲ Rajasthan ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਕੀਤੀ ਗਈ ਹੈ। ਇਸ ਦੀ ਸਟਾਰ ਕਾਸਟ ਵਿੱਚ Gurpreet Ghuggi, Nirmal Rishi, Drishti Talwar, Ashish Duggal ਅਤੇ Raj Dhaliwal ਵਰਗੇ ਮਸ਼ਹੂਰ ਕਲਾਕਾਰ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਨੌਜਵਾਨ ਅਦਾਕਾਰ Sukhan Waraich ਅਤੇ ਮਸ਼ਹੂਰ ਗਾਇਕ-ਗੀਤਕਾਰ Debi Makhsoospuri ਵੀ ਇਸ ਇਮੋਸ਼ਨਲ ਡ੍ਰਾਮਾ ਫਿਲਮ ਰਾਹੀਂ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕਰਦੇ ਨਜ਼ਰ ਆਉਣਗੇ। ਦੇਬੀ ਮਖਸੂਸਪੁਰੀ ਇਸ ਫਿਲਮ ਨਾਲ ਆਪਣਾ ਡੈਬਿਊ ਵੀ ਕਰਨ ਜਾ ਰਹੇ ਹਨ। ਸਾਹਿਤ ਤੋਂ ਸਿਨੇਮਾ ਤੱਕ ਦਾ ਸਫ਼ਰ ਲੇਖਕ Dr. Gurpreet Singh Dhugga, ਜੋ ਮੂਲ ਰੂਪ ਵਿੱਚ ਕੈਲੀਫੋਰਨੀਆ ਅਧਾਰਤ ਡਾਕਟਰ ਹਨ, ਪੰਜਾਬੀ ਸਾਹਿਤ ਵਿੱਚ ਆਪਣੀਆਂ ਬੇਹੱਦ ਲੋਕਪ੍ਰਿਯ ਰਚਨਾਵਾਂ ਲਈ ਜਾਣੇ ਜਾਂਦੇ ਹਨ। ਉਨ੍ਹਾਂ ਦਾ ਨਾਵਲ ‘ਚਾਲੀ ਦਿਨ’ ਪੰਜਾਬੀ ਪਾਠਕਾਂ ਵਿੱਚ ਕਾਫ਼ੀ ਪ੍ਰਸਿੱਧ ਰਿਹਾ ਹੈ ਅਤੇ ਹੁਣ ਇਸਦੀ ਕਹਾਣੀ ਸਿਲਵਰ ਸਕ੍ਰੀਨ ‘ਤੇ ਵੀ ਦਰਸ਼ਕਾਂ ਨੂੰ ਦੇਖਣ ਨੂੰ ਮਿਲੇਗੀ। ਫਿਲਮ ਦੇ ਐਲਾਨ ਤੋਂ ਹੀ ਇਹ ਚਰਚਾ ਦਾ ਕੇਂਦਰ ਬਣੀ ਹੋਈ ਹੈ ਅਤੇ ਹੁਣ CIFFA ਵਰਗੇ ਅੰਤਰਰਾਸ਼ਟਰੀ ਮੰਚ ‘ਤੇ ਇਸਦੀ ਸ਼ਮੂਲੀਅਤ ਨੇ ਫਿਲਮ ਲਈ ਦਰਸ਼ਕਾਂ ਦੀ ਉਤਸੁਕਤਾ ਹੋਰ ਵੀ ਵਧਾ ਦਿੱਤੀ ਹੈ।

ਚੀਨ ‘ਚ ਧਮਾਲ ਮਚਾਉਣ ਲਈ ਤਿਆਰ ‘ਦ ਲੈਜੈਂਡ ਆਫ ਮੌਲਾ ਜੱਟ’, 400 ਕਰੋੜ ਤੋਂ ਵੱਧ ਕਮਾ ਚੁੱਕੀ ਪਾਕਿਸਤਾਨੀ ਫਿਲਮ

ਚੀਨ ‘ਚ ਧਮਾਲ ਮਚਾਉਣ ਲਈ ਤਿਆਰ ‘ਦ ਲੈਜੈਂਡ ਆਫ ਮੌਲਾ ਜੱਟ’, 400 ਕਰੋੜ ਤੋਂ ਵੱਧ ਕਮਾ ਚੁੱਕੀ ਪਾਕਿਸਤਾਨੀ ਫਿਲਮ ਪਾਕਿਸਤਾਨੀ ਸਿਨੇਮਾ ਦੀ ਸਭ ਤੋਂ ਵੱਡੀਆਂ ਬਲਾਕਬਸਟਰ ਫਿਲਮਾਂ ਵਿੱਚੋਂ ਇੱਕ The Legend of Maula Jatt ਹੁਣ ਚੀਨ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੇ ਨਿਰਦੇਸ਼ਕ Bilal Lashari ਨੇ ਭਰੋਸਾ ਜਤਾਇਆ ਹੈ ਕਿ ਇਹ ਫਿਲਮ ਚੀਨੀ ਬਾਜ਼ਾਰ ਵਿੱਚ ਹੋਰ ਪਾਕਿਸਤਾਨੀ ਫਿਲਮਾਂ ਲਈ ਨਵੇਂ ਦਰਵਾਜ਼ੇ ਖੋਲ੍ਹੇਗੀ। ਫਿਲਮ ਵਿੱਚ ਮੁੱਖ ਭੂਮਿਕਾ ਨਿਭਾਉਣ ਵਾਲੇ Fawad Khan ਦੀ ਇਸ ਐਕਸ਼ਨ ਡਰਾਮਾ ਫਿਲਮ ਨੇ ਦੁਨੀਆ ਭਰ ਵਿੱਚ ਕਾਮਯਾਬੀ ਦੇ ਨਵੇਂ ਰਿਕਾਰਡ ਬਣਾਏ ਹਨ। 2022 ਵਿੱਚ ਰਿਲੀਜ਼ ਹੋਈ ਇਹ ਫਿਲਮ 1979 ਦੀ ਕਲਟ ਕਲਾਸਿਕ Maula Jatt ਦਾ ਰੀਮੇਕ ਹੈ। 400 ਕਰੋੜ ਤੋਂ ਵੱਧ ਦੀ ਕਮਾਈ The Legend of Maula Jatt ਪਾਕਿਸਤਾਨ ਦੀ ਪਹਿਲੀ ਫਿਲਮ ਬਣ ਚੁੱਕੀ ਹੈ ਜਿਸਨੇ ਦੁਨੀਆ ਭਰ ਵਿੱਚ 400 ਕਰੋੜ ਪਾਕਿਸਤਾਨੀ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ। ਇਸਦੀ ਸ਼ਾਨਦਾਰ ਸਫਲਤਾ ਤੋਂ ਬਾਅਦ ਹੁਣ ਫਿਲਮ ਨੂੰ ਚੀਨ ਦੇ ਵੱਡੇ ਸਿਨੇਮਾ ਬਾਜ਼ਾਰ ਵਿੱਚ ਰਿਲੀਜ਼ ਕੀਤਾ ਜਾ ਰਿਹਾ ਹੈ। ਨਿਰਦੇਸ਼ਕ ਬਿਲਾਲ ਲਸ਼ਾਰੀ ਨੇ ਕਿਹਾ ਕਿ ਉਹ ਖੁਸ਼ ਹਨ ਕਿ ਹੁਣ ਹੋਰ ਅੰਤਰਰਾਸ਼ਟਰੀ ਦਰਸ਼ਕ ਵੀ ਇਸ ਫਿਲਮ ਦਾ ਆਨੰਦ ਲੈ ਸਕਣਗੇ। ਉਨ੍ਹਾਂ ਕਿਹਾ ਕਿ ਚੀਨ ਵਿਦੇਸ਼ੀ ਫਿਲਮਾਂ ਲਈ ਇੱਕ ਵੱਡਾ ਮਾਰਕੀਟ ਹੈ ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਚੀਨੀ ਦਰਸ਼ਕ ਇਸ ਫਿਲਮ ਨੂੰ ਪਸੰਦ ਕਰਨਗੇ। ਪਾਕਿਸਤਾਨ-ਚੀਨ ਸੱਭਿਆਚਾਰਕ ਸਹਿਯੋਗ ਨੂੰ ਮਿਲੇਗਾ ਬਲ ਚੀਨ ਵਿੱਚ ਫਿਲਮ ਦੀ ਰਿਲੀਜ਼ ਨੂੰ China Film Administration, China Film Import and Export Corporation ਅਤੇ China Film Group ਵੱਲੋਂ ਸਹਿਯੋਗ ਦਿੱਤਾ ਗਿਆ ਹੈ। ਇਹ ਰਿਲੀਜ਼ ਜੂਨ 2024 ਵਿੱਚ ਪਾਕਿਸਤਾਨ ਦੇ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਅਤੇ ਚੀਨ ਫਿਲਮ ਪ੍ਰਸ਼ਾਸਨ ਵਿਚਕਾਰ ਹੋਏ ਫਿਲਮ ਸਹਿ-ਨਿਰਮਾਣ ਸਮਝੌਤੇ ਤੋਂ ਬਾਅਦ ਸੰਭਵ ਹੋਈ ਹੈ। ਇਹ ਮੌਕਾ ਪਾਕਿਸਤਾਨ ਅਤੇ ਚੀਨ ਵਿਚਕਾਰ ਕੂਟਨੀਤਕ ਸਬੰਧਾਂ ਦੇ 75 ਸਾਲ ਪੂਰੇ ਹੋਣ ਦੇ ਜਸ਼ਨ ਨਾਲ ਵੀ ਜੋੜਿਆ ਜਾ ਰਿਹਾ ਹੈ। ਚੀਨ ਵਿੱਚ ਪਾਕਿਸਤਾਨੀ ਦੂਤਾਵਾਸ ਨੇ ਕਿਹਾ ਕਿ ਇਹ ਸਕ੍ਰੀਨਿੰਗ ਦੋਵਾਂ ਦੇਸ਼ਾਂ ਵਿਚਕਾਰ ਸੱਭਿਆਚਾਰਕ ਸਹਿਯੋਗ ਦਾ ਨਵਾਂ ਅਧਿਆਇ ਸਾਬਤ ਹੋਵੇਗੀ ਅਤੇ ਕਲਾਤਮਕ ਆਦਾਨ-ਪ੍ਰਦਾਨ ਨੂੰ ਹੋਰ ਮਜ਼ਬੂਤ ਕਰੇਗੀ। ਭਾਰਤ ਵਿੱਚ ਰਿਲੀਜ਼ ਨਹੀਂ ਹੋ ਸਕੀ ਦਿਲਚਸਪ ਗੱਲ ਇਹ ਹੈ ਕਿ ਫਿਲਮ ਦੀ ਭਾਰਤ ਦੇ ਪੰਜਾਬ ਵਿੱਚ ਰਿਲੀਜ਼ ਦੀ ਯੋਜਨਾ ਵੀ ਬਣਾਈ ਗਈ ਸੀ, ਪਰ ਸਰਕਾਰੀ ਨਿਰਦੇਸ਼ਾਂ ਅਤੇ ਅਦਾਲਤੀ ਸਟੇਅ ਕਾਰਨ ਇਹ ਸੰਭਵ ਨਹੀਂ ਹੋ ਸਕਿਆ। ਬਾਅਦ ਵਿੱਚ ਨਵੀਂ ਦਿੱਲੀ ਵਿੱਚ ਵੀ ਫਿਲਮ ਨੂੰ ਰਿਲੀਜ਼ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ, ਪਰ ਕਾਨੂੰਨੀ ਅਤੇ ਪ੍ਰਸ਼ਾਸਕੀ ਰੁਕਾਵਟਾਂ ਕਾਰਨ ਰਿਲੀਜ਼ ਰੁਕ ਗਈ। ਹੁਣ ਚੀਨ ਵਿੱਚ ਰਿਲੀਜ਼ ਨਾਲ The Legend of Maula Jatt ਤੋਂ ਇੱਕ ਵਾਰ ਫਿਰ ਅੰਤਰਰਾਸ਼ਟਰੀ ਪੱਧਰ ‘ਤੇ ਨਵੀਆਂ ਉਮੀਦਾਂ ਜੁੜ ਗਈਆਂ ਹਨ।

ਦਹੇਜ ਮਾਮਲਿਆਂ ’ਤੇ ਬੋਲੀ ਕੰਗਨਾ ਰਣੌਤ, ਟਵਿਸ਼ਾ ਸ਼ਰਮਾ-ਦੀਪਿਕਾ ਨਾਗਰ ਕੇਸ ਤੋਂ ਬਾਅਦ ਔਰਤਾਂ ਨੂੰ ਦਿੱਤੀ ਖਾਸ ਸਲਾਹ

Kangana Ranaut ਨੇ ਦਹੇਜ ਮਾਮਲਿਆਂ ’ਤੇ ਤੋੜੀ ਚੁੱਪ, ਔਰਤਾਂ ਨੂੰ ਦਿੱਤੀ ਵੱਡੀ ਸਲਾਹ ਬਾਲੀਵੁੱਡ ਅਦਾਕਾਰਾ Kangana Ranaut ਇੱਕ ਵਾਰ ਫਿਰ ਆਪਣੇ ਬਿਆਨ ਕਰਕੇ ਚਰਚਾ ਵਿੱਚ ਆ ਗਈ ਹੈ। ਹਾਲ ਹੀ ਵਿੱਚ ਸਾਹਮਣੇ ਆਏ Twisha Sharma ਅਤੇ Deepika Nagar ਮਾਮਲਿਆਂ ’ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕੰਗਨਾ ਨੇ ਔਰਤਾਂ ਦੀ ਸੁਰੱਖਿਆ ਅਤੇ ਆਤਮਨਿਰਭਰਤਾ ਨੂੰ ਲੈ ਕੇ ਆਪਣੀ ਰਾਇ ਸਾਂਝੀ ਕੀਤੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਟਵਿਸ਼ਾ ਸ਼ਰਮਾ Bhopal ਵਿੱਚ ਆਪਣੇ ਸਹੁਰੇ ਘਰ ਮ੍ਰਿਤਕ ਮਿਲੀ ਸੀ, ਜਦਕਿ ਦੀਪਿਕਾ ਨਾਗਰ ਦੀ ਘਰ ਦੀ ਛੱਤ ਤੋਂ ਡਿੱਗਣ ਕਾਰਨ ਮੌਤ ਹੋ ਗਈ। ਦੋਵਾਂ ਮਾਮਲਿਆਂ ਵਿੱਚ ਪਰਿਵਾਰਕ ਮੈਂਬਰਾਂ ਨੇ ਦਹੇਜ ਲਈ ਤੰਗ ਪਰੇਸ਼ਾਨ ਕਰਨ ਦੇ ਦੋਸ਼ ਲਗਾਏ ਹਨ। ਇਨ੍ਹਾਂ ਘਟਨਾਵਾਂ ਤੋਂ ਬਾਅਦ ਸੋਸ਼ਲ ਮੀਡੀਆ ’ਤੇ ਲੋਕਾਂ ਵਿੱਚ ਗੁੱਸਾ ਵੇਖਣ ਨੂੰ ਮਿਲ ਰਿਹਾ ਹੈ ਅਤੇ ਦਹੇਜ ਪ੍ਰਥਾ ਖ਼ਿਲਾਫ਼ ਸਖ਼ਤ ਕਾਨੂੰਨਾਂ ਦੀ ਮੰਗ ਕੀਤੀ ਜਾ ਰਹੀ ਹੈ। ਇਸ ਮਾਮਲੇ ’ਤੇ ਕੰਗਨਾ ਰਣੌਤ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਰਾਹੀਂ ਇੱਕ ਲੰਮਾ ਨੋਟ ਸਾਂਝਾ ਕੀਤਾ। ਉਨ੍ਹਾਂ ਲਿਖਿਆ ਕਿ ਹਰ ਰੋਜ਼ ਵਿਆਹੀਆਂ ਔਰਤਾਂ ਨਾਲ ਜੁੜੀਆਂ ਦੁਖਦਾਈ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ ਅਤੇ ਕਈ ਪੜ੍ਹੀਆਂ-ਲਿਖੀਆਂ ਕੁੜੀਆਂ ਵੀ ਮੁਸ਼ਕਲ ਸਮੇਂ ਵਿੱਚ ਆਪਣੇ ਪਰਿਵਾਰਾਂ ਤੋਂ ਮਦਦ ਦੀ ਉਮੀਦ ਕਰਦੀਆਂ ਹਨ। ਕੰਗਨਾ ਨੇ ਆਪਣੇ ਸੰਦੇਸ਼ ਵਿੱਚ ਨੌਜਵਾਨ ਔਰਤਾਂ ਨੂੰ ਆਤਮਨਿਰਭਰ ਬਣਨ ਦੀ ਸਲਾਹ ਦਿੰਦਿਆਂ ਕਿਹਾ ਕਿ ਕਰੀਅਰ ਅਤੇ ਆਰਥਿਕ ਮਜ਼ਬੂਤੀ ਜ਼ਿੰਦਗੀ ਵਿੱਚ ਸਭ ਤੋਂ ਮਹੱਤਵਪੂਰਨ ਹਨ। ਉਨ੍ਹਾਂ ਕਿਹਾ ਕਿ ਵਿਆਹ ਬਾਰੇ ਫੈਸਲਾ ਉਦੋਂ ਕਰਨਾ ਚਾਹੀਦਾ ਹੈ ਜਦੋਂ ਇੱਕ ਔਰਤ ਆਪਣੇ ਪੈਰਾਂ ’ਤੇ ਖੜ੍ਹੀ ਹੋਵੇ। ਅਦਾਕਾਰਾ ਨੇ ਇਹ ਵੀ ਕਿਹਾ ਕਿ ਹਰ ਔਰਤ ਨੂੰ ਆਪਣਾ ਹੀਰੋ ਖੁਦ ਬਣਨਾ ਪਵੇਗਾ ਕਿਉਂਕਿ ਮੁਸ਼ਕਲ ਵੇਲੇ ਹਰ ਵਾਰ ਕੋਈ ਹੋਰ ਬਚਾਉਣ ਨਹੀਂ ਆਉਂਦਾ। ਉਨ੍ਹਾਂ ਔਰਤਾਂ ਨੂੰ ਆਪਣੀ ਜ਼ਿੰਦਗੀ ਆਪਣੇ ਤਰੀਕੇ ਨਾਲ ਜੀਣ ਅਤੇ ਆਪਣੇ ਫ਼ੈਸਲੇ ਖੁਦ ਲੈਣ ਦੀ ਅਪੀਲ ਕੀਤੀ।

Afghanistan ਖ਼ਿਲਾਫ਼ ਲੜੀ ਲਈ Team India ਦਾ ਐਲਾਨ; Shubman Gill ਨੂੰ ਕਪਤਾਨੀ

Afghanistan ਖ਼ਿਲਾਫ਼ ਲੜੀ ਲਈ Team India ਦਾ ਐਲਾਨ; Shubman Gill ਨੂੰ ਕਪਤਾਨੀ India national cricket team ਨੇ Afghanistan ਖ਼ਿਲਾਫ਼ ਹੋਣ ਵਾਲੀ ਘਰੇਲੂ ਟੈਸਟ ਅਤੇ ਇੱਕ ਰੋਜ਼ਾ ਲੜੀ ਲਈ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਕੌਮੀ ਚੋਣ ਕਮੇਟੀ ਦੇ ਮੁਖੀ Ajit Agarkar ਦੀ ਅਗਵਾਈ ਹੇਠ ਚੁਣੀ ਗਈ ਟੀਮ ਵਿੱਚ ਵੱਡੇ ਫ਼ੈਸਲੇ ਕੀਤੇ ਗਏ ਹਨ। ਨੌਜਵਾਨ ਬੱਲੇਬਾਜ਼ Shubman Gill ਨੂੰ ਦੋਵਾਂ ਫਾਰਮੈਟਾਂ ਲਈ ਟੀਮ ਦੀ ਕਮਾਨ ਸੌਂਪੀ ਗਈ ਹੈ। ਇਸਦੇ ਨਾਲ ਹੀ ਵਿਕਟਕੀਪਰ ਬੱਲੇਬਾਜ਼ Rishabh Pant ਤੋਂ ਟੈਸਟ ਟੀਮ ਦੀ ਉਪ ਕਪਤਾਨੀ ਵਾਪਸ ਲੈ ਲਈ ਗਈ ਹੈ, ਜਦਕਿ ਉਹ ਇੱਕ ਰੋਜ਼ਾ ਟੀਮ ਵਿੱਚ ਵੀ ਜਗ੍ਹਾ ਨਹੀਂ ਬਣਾ ਸਕੇ। ਹੁਣ KL Rahul ਨੂੰ ਟੈਸਟ ਟੀਮ ਦਾ ਨਵਾਂ ਉਪ ਕਪਤਾਨ ਬਣਾਇਆ ਗਿਆ ਹੈ, ਜਦਕਿ ਇੱਕ ਰੋਜ਼ਾ ਟੀਮ ਵਿੱਚ ਇਹ ਜ਼ਿੰਮੇਵਾਰੀ Shreyas Iyer ਨੂੰ ਦਿੱਤੀ ਗਈ ਹੈ। ਸਾਬਕਾ ਕਪਤਾਨ Rohit Sharma ਅਤੇ ਦਿੱਗਜ ਬੱਲੇਬਾਜ਼ Virat Kohli ਦੀ ਵੀ ਇੱਕ ਰੋਜ਼ਾ ਟੀਮ ਵਿੱਚ ਵਾਪਸੀ ਹੋਈ ਹੈ। ਇਸ ਦੌਰਾਨ ਤੇਜ਼ ਗੇਂਦਬਾਜ਼ Jasprit Bumrah ਨੂੰ ਦੋਵਾਂ ਲੜੀਆਂ ਤੋਂ ਆਰਾਮ ਦਿੱਤਾ ਗਿਆ ਹੈ। ਚੋਣ ਕਮੇਟੀ ਮੁਤਾਬਕ ਬੁਮਰਾਹ ਇੰਗਲੈਂਡ ਦੌਰੇ ਦੌਰਾਨ ਵਾਪਸੀ ਕਰੇਗਾ। ਟੈਸਟ ਟੀਮ ਵਿੱਚ ਨਵੇਂ ਚਿਹਰਿਆਂ ਵਜੋਂ ਸਪਿੰਨਰ Manav Suthar ਅਤੇ ਤੇਜ਼ ਗੇਂਦਬਾਜ਼ Gurnoor Brar ਨੂੰ ਪਹਿਲੀ ਵਾਰ ਮੌਕਾ ਦਿੱਤਾ ਗਿਆ ਹੈ। ਟੈਸਟ ਟੀਮ ਸ਼ੁਭਮਨ ਗਿੱਲ (ਕਪਤਾਨ), ਯਸ਼ਸਵੀ ਜੈਸਵਾਲ, ਕੇ ਐੱਲ ਰਾਹੁਲ (ਉਪ ਕਪਤਾਨ), ਸਾਈ ਸੁਦਰਸ਼ਨ, ਰਿਸ਼ਭ ਪੰਤ, ਦੇਵਦੱਤ ਪੱਡੀਕਲ, ਨਿਤੀਸ਼ ਕੁਮਾਰ ਰੈੱਡੀ, ਵਾਸ਼ਿੰਗਟਨ ਸੁੰਦਰ, ਕੁਲਦੀਪ ਯਾਦਵ, ਮੁਹੰਮਦ ਸਿਰਾਜ, ਪ੍ਰਸਿੱਧ ਕ੍ਰਿਸ਼ਨਾ, ਮਾਨਵ ਸੁਥਾਰ, ਗੁਰਨੂਰ ਬਰਾੜ, ਹਰਸ਼ ਦੂਬੇ ਅਤੇ ਧਰੁਵ ਜੁਰੇਲ। ਇੱਕ ਰੋਜ਼ਾ ਟੀਮ ਸ਼ੁਭਮਨ ਗਿੱਲ (ਕਪਤਾਨ), ਸ਼੍ਰੇਅਸ ਅਈਅਰ (ਉਪ ਕਪਤਾਨ), ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਕੇ ਐੱਲ ਰਾਹੁਲ, ਈਸ਼ਾਨ ਕਿਸ਼ਨ, ਹਾਰਦਿਕ ਪੰਡਿਆ, ਨਿਤੀਸ਼ ਕੁਮਾਰ ਰੈੱਡੀ, ਵਾਸ਼ਿੰਗਟਨ ਸੁੰਦਰ, ਹਰਸ਼ ਦੂਬੇ, ਕੁਲਦੀਪ ਯਾਦਵ, ਅਰਸ਼ਦੀਪ ਸਿੰਘ, ਪ੍ਰਸਿੱਧ ਕ੍ਰਿਸ਼ਨਾ, ਪ੍ਰਿੰਸ ਯਾਦਵ ਅਤੇ ਗੁਰਨੂਰ ਬਰਾੜ। ਅਫ਼ਗਾਨਿਸਤਾਨ ਖ਼ਿਲਾਫ਼ ਇਕਲੌਤਾ ਟੈਸਟ ਮੈਚ 6 ਜੂਨ ਤੋਂ PCA Stadium ਵਿੱਚ ਖੇਡਿਆ ਜਾਵੇਗਾ। ਇਸ ਤੋਂ ਬਾਅਦ ਇੱਕ ਰੋਜ਼ਾ ਲੜੀ ਦੇ ਮੈਚ Dharamshala, Lucknow ਅਤੇ Chennai ਵਿੱਚ ਹੋਣਗੇ।

Chennai ‘ਚ ਖੇਡਿਆ ਜਾ ਸਕਦੈ Big Bash League ਦਾ ਪਹਿਲਾ ਮੈਚ

Chennai ‘ਚ ਖੇਡਿਆ ਜਾ ਸਕਦੈ Big Bash League ਦਾ ਪਹਿਲਾ ਮੈਚ Chennai ‘ਚ ਖੇਡਿਆ ਜਾ ਸਕਦੈ Big Bash League ਦਾ ਪਹਿਲਾ ਮੈਚ ਆਸਟਰੇਲੀਆ ਦੀ ਮਸ਼ਹੂਰ ਟੀ-20 ਕ੍ਰਿਕਟ ਲੀਗ Big Bash League ਦੇ ਅਗਲੇ ਸੀਜ਼ਨ ਦਾ ਪਹਿਲਾ ਮੁਕਾਬਲਾ ਇਸ ਸਾਲ ਦਸੰਬਰ ਵਿੱਚ Chennai ਵਿੱਚ ਖੇਡਿਆ ਜਾਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ Cricket Australia ਦਾ ਇਕ ਵਫ਼ਦ ਇਸ ਹਫ਼ਤੇ M. A. Chidambaram Stadium ਦਾ ਜਾਇਜ਼ਾ ਲੈਣ ਲਈ ਚੇਨੱਈ ਪਹੁੰਚਿਆ ਸੀ। ਇਹ ਮੈਦਾਨ Chennai Super Kings ਦਾ ਘਰੇਲੂ ਸਟੇਡੀਅਮ ਹੈ ਅਤੇ ਭਾਰਤ ਦੇ ਸਭ ਤੋਂ ਪ੍ਰਸਿੱਧ ਕ੍ਰਿਕਟ ਮੈਦਾਨਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਜਾਣਕਾਰੀ ਮੁਤਾਬਕ ਕ੍ਰਿਕਟ ਆਸਟਰੇਲੀਆ ਚੇਨੱਈ ਵਿੱਚ ਮੈਚ ਕਰਵਾ ਕੇ ਭਾਰਤ ਅਤੇ ਆਸਟਰੇਲੀਆ ਵਿਚਕਾਰ ਕ੍ਰਿਕਟ ਸਬੰਧ ਹੋਰ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਰਿਪੋਰਟਾਂ ਵਿੱਚ ਦੱਸਿਆ ਗਿਆ ਹੈ ਕਿ ਇਸ ਪ੍ਰਸਤਾਵ ‘ਤੇ ਅਜੇ ਸ਼ੁਰੂਆਤੀ ਪੱਧਰ ‘ਤੇ ਚਰਚਾ ਚੱਲ ਰਹੀ ਹੈ। ਹਾਲਾਂਕਿ Board of Control for Cricket in India ਦੇ ਸਕੱਤਰ Devajit Saikia ਵੱਲੋਂ ਇਸ ਮਾਮਲੇ ‘ਤੇ ਅਜੇ ਤੱਕ ਕੋਈ ਅਧਿਕਾਰਕ ਪ੍ਰਤੀਕਿਰਿਆ ਸਾਹਮਣੇ ਨਹੀਂ ਆਈ। ਜੇ ਇਹ ਯੋਜਨਾ ਸਫਲ ਰਹਿੰਦੀ ਹੈ ਤਾਂ ਇਹ ਪਹਿਲੀ ਵਾਰ ਹੋਵੇਗਾ ਕਿ Big Bash League ਦਾ ਕੋਈ ਮੈਚ ਭਾਰਤ ਵਿੱਚ ਖੇਡਿਆ ਜਾਵੇਗਾ, ਜਿਸ ਨਾਲ ਵਿਸ਼ਵ ਕ੍ਰਿਕਟ ਵਿੱਚ ਇੱਕ ਨਵਾਂ ਅਧਿਆਇ ਸ਼ੁਰੂ ਹੋ ਸਕਦਾ ਹੈ।

ਅੱਜ ਪੰਜਾਬ ਕਿੰਗਜ਼ ਅਤੇ ਆਰਸੀਬੀ ਵਿਚਾਲੇ ਹੋਵੇਗੀ ਵੱਡੀ ਟੱਕਰ

ਅੱਜ ਪੰਜਾਬ ਕਿੰਗਜ਼ ਅਤੇ ਆਰਸੀਬੀ ਵਿਚਾਲੇ ਹੋਵੇਗੀ ਵੱਡੀ ਟੱਕਰ ਆਈਪੀਐਲ ਦੇ ਰੋਮਾਂਚਕ ਮੌਸਮ ਵਿੱਚ ਅੱਜ ਪੰਜਾਬ ਕਿੰਗਜ਼ ਅਤੇ ਰੌਇਲ ਚੈਲੇਂਜਰਜ਼ ਬੈਂਗਲੁਰੂ ਵਿਚਾਲੇ ਮਹੱਤਵਪੂਰਨ ਮੁਕਾਬਲਾ ਖੇਡਿਆ ਜਾਵੇਗਾ। ਦੋਵੇਂ ਟੀਮਾਂ ਪਲੇਆਫ਼ ਦੀ ਦੌੜ ਵਿੱਚ ਆਪਣੀ ਸਥਿਤੀ ਮਜ਼ਬੂਤ ਕਰਨ ਲਈ ਜਿੱਤ ਦਰਜ ਕਰਨ ਦੇ ਇਰਾਦੇ ਨਾਲ ਮੈਦਾਨ ਵਿੱਚ ਉਤਰਣਗੀਆਂ। ਪੰਜਾਬ ਕਿੰਗਜ਼ ਹਾਰਾਂ ਤੋਂ ਬਾਅਦ ਵਾਪਸੀ ਕਰਨ ਦੀ ਕੋਸ਼ਿਸ਼ ਕਰੇਗੀ। ਟੀਮ ਦੇ ਕਪਤਾਨ ਸ਼੍ਰੇਯਸ ਅਈਅਰ ਤੋਂ ਇੱਕ ਵੱਡੀ ਪਾਰੀ ਦੀ ਉਮੀਦ ਰਹੇਗੀ, ਜਦਕਿ ਪ੍ਰਭਸਿਮਰਨ ਸਿੰਘ ਅਤੇ ਅਰਸ਼ਦੀਪ ਸਿੰਘ ਵੀ ਅਹਿਮ ਭੂਮਿਕਾ ਨਿਭਾ ਸਕਦੇ ਹਨ। ਦੂਜੇ ਪਾਸੇ ਆਰਸੀਬੀ ਦੀ ਟੀਮ ਵਿਰਾਟ ਕੋਹਲੀ ਅਤੇ ਕਪਤਾਨ ਰਜਤ ਪਾਟੀਦਾਰ ‘ਤੇ ਨਿਰਭਰ ਕਰੇਗੀ। ਬੈਂਗਲੁਰੂ ਦੀ ਬੈਟਿੰਗ ਲਾਈਨਅਪ ਇਸ ਸੀਜ਼ਨ ਵਿੱਚ ਕਾਫ਼ੀ ਮਜ਼ਬੂਤ ਦਿਖਾਈ ਦਿੱਤੀ ਹੈ ਅਤੇ ਗੇਂਦਬਾਜ਼ੀ ਵਿੱਚ ਵੀ ਟੀਮ ਸੰਤੁਲਿਤ ਨਜ਼ਰ ਆ ਰਹੀ ਹੈ। ਮੈਚ ਦੀ ਪਿਚ ਬੱਲੇਬਾਜ਼ਾਂ ਲਈ ਮਦਦਗਾਰ ਮੰਨੀ ਜਾ ਰਹੀ ਹੈ, ਜਿਸ ਕਾਰਨ ਦਰਸ਼ਕਾਂ ਨੂੰ ਇੱਕ ਹਾਈ ਸਕੋਰਿੰਗ ਮੁਕਾਬਲਾ ਦੇਖਣ ਨੂੰ ਮਿਲ ਸਕਦਾ ਹੈ। ਮੌਸਮ ਸਾਫ਼ ਰਹਿਣ ਦੀ ਸੰਭਾਵਨਾ ਹੈ ਅਤੇ ਪੂਰਾ ਮੈਚ ਹੋਣ ਦੀ ਉਮੀਦ ਹੈ। ਦੋਵੇਂ ਟੀਮਾਂ ਵਿਚਾਲੇ ਪਿਛਲੇ ਰਿਕਾਰਡ ਵੀ ਕਾਫ਼ੀ ਟੱਕਰ ਵਾਲੇ ਰਹੇ ਹਨ, ਜਿਸ ਨਾਲ ਇਸ ਮੁਕਾਬਲੇ ਦੀ ਰੋਮਾਂਚਕਤਾ ਹੋਰ ਵੱਧ ਗਈ ਹੈ। ਕ੍ਰਿਕਟ ਪ੍ਰੇਮੀ ਬੇਸਬਰੀ ਨਾਲ ਇਸ ਵੱਡੇ ਮੈਚ ਦੀ ਉਡੀਕ ਕਰ ਰਹੇ ਹਨ।